Shaǵyn reaktorlardy qýatyna qaraı úshke bólýge bolady: úlken reaktorlar (700 MVt), kishi modýldi reaktorlar (300 MVt) jáne mını reaktorlar (10 MVt).
Qýaty 300 MVt-qa deıingi shaǵyn reaktorlardy jel, kún, sý stansıalarymen qatar elektr energetıkasynda qoldanýǵa bolady. Elimizde eskirgen 37 kómir JEO baryn eskersek, bul jumystardy tezdetý qajet.
Shaǵyn modýldi reaktorlar arqyly komýnaldyq sharýashylyqta kómir men gazdy, ónerkásipte kómir men munaı ónimderin almastyrýǵa bolady. Sonymen qatar, kólik salasynda elektromobılder men sýtegi otynyn engizýdi oılastyrý kerek.
Energetıkanyń jańa túrine kóshýde KMR-lardyń birqatar artyqshylyǵy bar: olardy 3-4 jylda tez salýǵa bolady, turaqty túrde elektr energıasyn beredi, kogenerasıaǵa beıim, ıaǵnı elektrmen qatar jylý energıasyn da óndiredi.
Sonymen qatar, kómir stansıalaryn almastyrǵan kezde 30% qarjy únemdeledi, ári shaǵyn reaktorlardyń qurylysy da yńǵaıly. Bir ret salyp alǵannan keıin tek onyń ózegin aýystyryp otyrý jetkilikti.