Ol eń iri medıakompanıanyń basshysy boldy.
Nur Otan partıasynyń atqarýshy hatshysy Asqat Oralovtyń buıryǵymen Nur Media aqparattyq holdıńiniń bas dırektory qyzmetine Rýslan Álishev taǵaıyndaldy, dep habarlady Almaty-akshamy.kz.
Rýslan Álishev – M.Qozybaev atyndaǵy Soltústik Qazaqstan memlekettik ýnıversıtetiniń jáne A.Myrzahmetov atyndaǵy Kókshetaý ýnıversıtetiniń túlegi.
Ol Soltústik Qazaqstan oblysyndaǵy jergilikti atqarýshy organdarda, Petropavl qalasy ishki saıasat bóliminiń mamany qyzmetinen bastap, basqarma basshysy, oblys ákiminiń orynbasaryna deıingi túrli laýazymdardy atqardy.
Aqparat jáne komýnıkasıalar mınıstrligi Aqparat komıteti tóraǵasynyń orynbasary boldy.
Eki jyldan astam ýaqyt Nur Otan partıasy Ortalyq apparatynyń saıası jumys departamentin basqarǵan.
2020 jyldyń mamyr aıynan bastap QR Prezıdenti janyndaǵy «Ortalyq komýnıkasıalar qyzmeti» respýblıkalyq memlekettik mekemesiniń dırektory qyzmetin atqardy.
Nur Media holdıńi Qazaqstandaǵy eń iri medıakompanıalardyń birine jatady. 2008 jyldyń qarasha aıynda «Nur Otan» partıasynyń bastamasymen qurylǵan. Búgingi kúni holdıńtiń kompanıalar tobyna «Astana» telearnasy, «Aıqyn», «Lıter», «Túrkistan», «Qazaqstan temirjolshysy» gazetteri, NS radıosy jáne ORDA FM kiredi.