Rúbl 4 teńgege deıin tómendeýi múmkin.
Qarjyger Rasýl Rysmambetov osyndaı boljam aıtty. Sarapshylar Reseı valútasynyń álsireýiniń sebebin kórshi eldegi búdjet tapshylyǵymen túsindiredi. Iaǵnı, shyǵyn kiristen asyp túsedi. Qazir kórshi elde eksportqa qaraǵanda ımport kóp, dep habarlaıdy Almaty-akshamy.kz.
Ekonomıs Arman Beısembaevtyń aıtýynsha, mundaı jaǵdaıda Qazaqstanda 2014 jylǵy jaǵdaı qaıtalanýy múmkin. Baǵanyń tómendeýine baılanysty adamdar reseılik taýarlardy kóbirek satyp ala bastaıdy, -dep jazdy 24.kz. Al bul qazaqstandyq óndirýshiler úshin úlken qaýip tóndiredi. Ulttyq bank buǵan jol bermeý kerek deıdi.
- Eger de osyndaı devolvasıa bola berse, baıaǵyda ózderińiz bilesizder 2015 jyly teńgeniń quny rúblge shaqqanda 3 teńgege deıin bolyp, shekaraǵa jaqyn, búkil qazaqstandyqtar Reseıge tutyný taýarlaryn alýǵa kóshken bolatyn. Bul bir jaǵynan jaqsy. Arzan baǵamen tutynýshy taýarlar, sonyń ishinde kólikterge deıin tıimdi bolyp, belgili bir deńgeıde ózderiniń turmystyq jaǵdaıyn ońtaılandyrýǵa qol jetkizdi. biraq sonymen birge ózimizdiń taýar óndirýshilerge teris áserin tıgizedi. Biz ózimizde mindetti túrde óndiristik taýarlar narqyn qolǵa alýymyz kerek. Ol úshin valútanyń turaqtylyǵy kerek jáne monetarlyq saıasatty, ıaǵnı eksporttyq-ımporttyq qatynasty tıimdi ustaı bilý kerek, deıdi ekonomıs Baýyrjan Isabekov.