Densaýlyq saqtaý mınıstri Ajar Ǵınıat Almatydaǵy medısınalyq mekemelerdiń birinde oryn alǵan AITV juqtyrǵandarǵa qatysty pikir bildirdi, dep habarlaıdy Almaty-akshamy.kz BAQ.KZ-ke silteme jasap.
Sondyqtan komısıa jumysyn aıaqtasyn. Olar anyqtamany tolyq daıyndap, resmı túrde ákimdik pen densaýlyq saqtaý mınıstrligin usynady, - dep atap ótti vedomstvo basshysy Úkimettiń kýlýarynda BAQ ókilderine bergen suhbatynda.
Sonymen qatar mınıstr «Qaýipti indetti juqtyrǵandarmen ózińiz jeke kezdestińiz be?» degen tilshilerdiń suraǵyna jaýap berdi.
Joq. Sebebi, komısıa jumys istep jatyr. Bizde «Medısınalyq qupıa týraly» zań bar. Mundaı naýqastarmen kezdeskisi kelgenderdiń ózi de kezdese almaıdy. Sebebi, (olardyń kezdesýge – red.) quqyǵy joq. Zań mundaı naýqastardyń (quqyǵyn – red.) qorǵaıdy. Sondyqtan qazir barlyq jumys komısıa aıasynda júrip jatyr, - dedi Ajar Ǵınıat.
«Siz densaýlyq saqtaý mınıstrliginiń basshysy retinde kimdi juqtyrǵanyn bilýge quqyǵyńyz joq pa?» degen suraqqa mynandaı jaýap aldyq.
Ondaı quqyǵym joq. Sebebi, medısınalyq qupıa bar. Tek pasıentterdiń kelisimimen. Olardyń mundaı qalaýy joq, - dedi Ajar Ǵınıat.