Halyq ártisi búgin qazaq halqynyń ómirindegi tarıhı kún dep atap ótti.
Qazaqstannyń halyq ártisi Roza Rymbaeva uly Álı Oqapovpen birge №17 mektep-ınternatynda ornalasqan №387 saılaý ýchaskesine óz kandıdatyna daýys berýge keldi.
«Biz laıyqty el basshysyn tańdap jatyrmyz. Sanaly azamat retinde men ózim tańdaǵan kandıdatyma daýys berýge keldim jáne ony eń laıyqty dep esepteımin. Árbir azamattyń qatysýy men úni óte mańyzdy, óıtkeni eldiń bolashaǵy soǵan baılanysty», - dedi Roza Rymbaeva.
Ánshiniń ulynyń aıtýynsha, buryn ol gastróldik kesteniń tyǵyzdyǵyna jáne saılaý ýchaskesiniń ornalasqan jerine baılanysty daýys bere almaǵan.
"Bul joly meniń jolym boldy, saılaý ýchaskesi óz aýlamda ornalasqan, men osydan 50 metr jerde turamyn. Ómirimizdegi jáne el ómirindegi sońǵy oqıǵalarǵa baılanysty qatyspaý durys emes dep sheshtim. Meniń daýsym mańyzdy jáne men azamat retinde óz paryzymdy oryndaýym kerek, men daýys berdim jáne óz tańdaýymdy jasadym jáne árbir Qazaqstan azamaty solaı isteýi kerek» dep túsindim", - dedi ánshiniń uly Álı Oqapov.