Almatydaǵy radıoelektronıka jáne baılanys áskerı-ınjenerlik ınstıtýtynyń kýrsanttary da óz tańdaýyn jasady.
№143 jabyq saılaý ýchaskesinde 500-ge jýyq adam daýys berdi, dep habarlaıdy Almaty-akshamy.kz.
Áskerı oqý ornynyń qabyrǵasynda 34 kýrsant alǵash ret óz tańdaýyn jasap, saılaýda daýys berdi. Olardyń barlyǵy derlik jaqynda 18-ge tolǵandar. Bul ınstıtýt - Orta Azıa boıynsha ofıser-ınjenerlerdi daıyndaıtyn jalǵyz oqý orny.
«Men Qazaqstan Respýblıkasynyń azamaty retinde óz quqyǵymdy paıdalana otyryp, alǵash ret el Prezıdentin saılaýǵa qatysyp otyrmyn. Óz daýysymdy bere otyryp, elimniń órkendeýi men bolashaǵynyń jarqyn bolýyna úlesimdi qostym dep oılaımyn. Búgingi saıası mańyzy zor sharaǵa qatysý arqyly biz, kýrsanttar óz tańdaýymyzdy jasap jatyrmyz. Jáne aıtarym, saılaýǵa qatysý arqyly Prezıdentti ǵana tańdap qoımaımyz, bul - bizdiń kemeldi keleshekke jasaǵan naqty qadamymyz. Sondyqtan bolashaq ofıser retinde mańyzdy saıası sharaǵa qatystym jáne óz tańdaýymdy jasadym», - dedi 1 kýrs kýrsanty Sultan Serikuly.