Qazaqstan Ulttyq banki ROZA BAǴLANOVA. 100 JYL koleksıalyq monetasyn aınalymǵa shyǵarady
Monetanyń satylymǵa shyǵatyn kúnine qatysty aqparat QUB saıtynda qosymsha jarıalanady. Nomınaly 100 teńgelik melhıordan soǵylǵan moneta «Este qalatyn oqıǵalar men birtýar adamdar» serıasyn jalǵastyrady. KSRO halyq artısi, Qazaqstannyń Halyq qaharmany, keńestiń jáne qazaqtyń opera jáne estrada ánshisi Roza Baǵlanovanyń týǵanyna 2022 jyly 100 jyl tolady, dep habarlaıdy Almaty-akshamy.kz QazAqparatqa silteme jasap.
Moneta betiniń (aversiniń) ortalyq bóliginde Qazaqstannyń Memlekettik eltańbasy beınelengen. Eltańbanyń oń jaǵy men sol jaǵynda oıý-órnek elementteri ornalasqan. Monetany aınaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý jazylǵan. Tómengi bóliginen monetanyń nomınalyn bildiretin 100 TEŃGE jazýyn kórýge bolady. Monetanyń ekinshi betinde (reversinde) Roza Baǵlanovanyń sýreti, portrettiń sol jaǵynda mereıtoılyq datany bildiretin 100 JYL degen jazý bar. Monetany aınaldyra «Ah, Samara-gorodok» ániniń notalary, ROZA BAǴLANOVA, monetanyń shyqqan jylyn bildiretin «2022» degen jazýlar bar.
Koleksıalyq moneta MN25 melhıor quımasynan, 15 gram salmaqta, 33 mm dıametrmen, brilliant uncirculated sapada, 100 teńgelik nomınalmen 15 000 dana bolyp shyqty. Moneta koleksıalyq quny boıynsha satýǵa arnalǵan. Olar Qazaqstan Respýblıkasynyń aýmaǵynda barlyq tólem túri boıynsha nomınaldy qunyna saı qabyldanady, sondaı-aq monetalardy bank shottaryna salyp, aýdarym jasaýǵa, Qazaqstan Respýblıkasynyń barlyq bankinde aıyrbastap, usaqtaýǵa bolady.
Koleksıalyq moneta Qazaqstannyń teńge saraıynda jasalǵan.