Qytaı astanasynda boı kóteretin Olımpıada aýyly sportshylardy qabyldaýǵa daıyn
Shahardyń ortalyq aýdanynda salynǵan qonaq úıdiń mańynda sport keshenderi ornalasqan. Uıymdastyrýshylar qaterli indetke qarsy qaýipsizdik sharalaryn qamtamasyz etýge basymdyq bergen, dep habarlaıdy Almaty-akshamy.kz Qazaqtv.com saıtyna silteme jasap.
Pandemıaǵa baılanysty álem jankúıerleri aldaǵy Beıjiń Olımpıadasyna týrıs bolyp bara almaıdy. Qytaıdaǵy qysqy oıyndar jergilikti jurttyń tamashalaýymen ǵana ótedi.
Degenmen jahandyq sport báıgesine tórtkúl dúnıe kógildir ekran arqyly tek qashyqtan kóz tigedi. Qazaqstandyq jankúıerler de otandyq sportshylardy janyn shúberekke túıip qoldaýǵa daıyn otyr. Eldiń namysyn arqalaıtyn saıypqyrandarymyz dúbirli dodaǵa qamdanyp, qazir qyzý daıyndyq ústinde. Negizgi tartystar bastalǵansha sportshylar jattyǵýdy elde ótkizedi. Jarysqa attanbas buryn baqylaý syndary uıymdastyrylady. Olımpıadaǵa joldama alǵan Ulttyq qurama tizimi resmı túrde qańtar aıynda belgili bolady.