Vıse-premer Ómirzaq Shókeevtiń otstavka týraly ótinishine pikir bildirdi
QR Premer-Mınıstriniń birinshi orynbasary Roman Sklár Túrkistan oblysynyń ákimi Ómirzaq Shókeevtiń otstavka týraly ótinishine pikir bildirdi, dep habarlaıdy almaty-akshamy.kz QazAqparatqa silteme jasap.
«Ómirzaq Estaıuly tájirıbeli basshy, uzaq ýaqyt boıy memlekettik qyzmettiń túrli qurylymdaryn basqaryp keldi. Ony rasynda da mańyzdy saıası tulǵa dep ataýǵa bolady», - dedi Roman Sklár Úkimet kýlýarynda tilshilerge bergen suhbatynda.
Vıse-premer Ómirzaq Shókeevtiń qabyldaǵan sheshimin óte durys jáne zańdy dep atady.
«Memlekettik qyzmet týraly zańda qaramaǵyndaǵy qyzmetkerdiń kinási dáleldengen jaǵdaıda, tikeleı basshynyń otstavkaǵa ketý týraly ótinish beretini jazylǵan, ony joǵary turǵan basshy qabyldaıdy nemese keri qaıtarady. Sondyqtan Ómirzaq Shókeevtiń áreketi óte qısyndy jáne durys», - dedi Roman Sklár.