Almatydaǵy Óńirlik komýnıkasıalar qyzmeti alańynda 30 tamyz – Konstıtýsıa kúnine oraı baspasóz máslıhaty ótti. Oǵan Almaty qalasy mamandandyrylǵan aýdanaralyq ákimshilik sotynyń sýdıasy Ulan Qajyken men Almaty qalalyq sotynyń sýdıasy Rýslan Baıshev qatysty, dep habarlaıdy Almaty-akshamy.kz.
Ulan Qajykenniń aıtýynsha, Konstıtýsıada sot bıligi týraly taraý aıyryqsha orynǵa ıe. Óıtkeni bılikterdiń bólý prınsıpterine sáıkes, sot bıligin belgileý- bul azamattardyń, memlekettik organdardyń, uıymdardyń quqyqtaryn, bostandyqtaryn jáne zańdy múddelerin qorǵap, Konstıtýsıany, zańdardy, basqa normatıvtik aktilerdi jáne Qazaqstan Respýblıkasynyń halyqaralyq kelisimsharttaryn oryndaýdy qamtamasyz etý.
«Sottardyń negizgi qyzmeti ádil sotty júzege asyrý bolyp tabylatynyn atap ketý qajet. Ádil sot - zańdylyqty, negizdilikti jáne sot sheshimderiniń jalpylaı mindettiligin qamtamasyz etetin tártipte azamattyq jáne qylmystyq isterdi qaraý boıynsha sotpen júzege asyrylatyn memlekettik is-árekettiń túri», - dedi sýdıa.
Bılikterdi bólýdiń konstıtýsıalyq prınsıpi adamnyń jáne azamattyń quqyqtaryn jáne bostandyqtaryn búkil álemdik qorǵaý kiltinde ári qaraıǵy reformalardyń qajettiligin usynady. Sonymen qatar, medıasıa rásimin nemese daýlardy balama retteýdi perspektıvti baǵyttardyń biri retinde kórsetýge bolady. Ol sýdıalardyń jumys júktemesin azaıtýǵa jáne qoǵamdaǵy qaqtyǵystardy sottan tys sheshýge baǵyttalǵan. Sondyqtan aldaǵy ýaqytta medıasıa ózekti bolmaq dep kútilýde.
«Baǵyttardyń biri sot prosesinde jańa tehnologıalardy qoldaný bolyp tabylady. Bul aqparattyq jańashyldyq sot óndirisin ári qaraı jetildirýdi kózdeıdi. Atalǵan salada olardyń damýy eki jaqty mánge ıe: olar azamattardyń ádil sotqa qol jetimdiligin jeńildetedi, al ekinshi jaǵynan sottardyń jumysyn jeńildetedi, búrokratıanyń jáne qaǵazbastylyqtyń aldyn alady. Jalpy alǵanda, aqparattyq tehnologıany damytý ádil sotty júzege asyrýdyń ashyqtyǵyna qol jetkizýge baǵyttalǵan. Aqparattyq tehnologıanyń qarqyndy damýy kezinde elektrondy ádil sotty damytý da ózekti jáne bolashaqta kóz jeterlik bolmaq», - dedi U.Qajyken
Qazaqstanda ádil sotty damytýdyń jáne jetildirýdiń osy jáne basqa da ózekti baǵyttary túbinde ári qaraı ádil sotty ońtaılandyrý, barlyq azamattarǵa ádil sotqa teńdeı qol jetimdikterin qamtamasyz etý úshin osyndaı jaǵdaılar quryp, azamattardyń konstıtýsıalyq quqyqtaryn, erkindikterin jáne zańdy múddelerin qorǵaý boıynsha mindetterdi tolyq aýqymda oryndaý maqsatyn kózdeıdi. Ádil sotty júzege asyrý quqyqtyq jáne demokratıalyq memlekettiń talaptaryna jaýap berýi álemdik sot tájirıbesinde halyqaralyq tájirıbeniń aldyńǵy jetistikterin eskere otyryp, ýaqyttyń úndeýin, qoǵamnyń qajettiligin ýaqytyly elep-eskerýi tıis.
Spıker sózin qorytyndylaı kele, kazirgi zamanǵy qazaqstandyq sot júıesi jetilý satysynda, ári qaraı sýdıalardyń kásibı deńgeıin arttyrýmen, kúshti jáne derbes sot bıligin qalyptastyrý, sot bedelin jáne oǵan qoǵamnyń senimin qalyptastyrý, qoǵamnyń quqyqtyq sanasyn arttyrý boıynsha jumys jasaý qajettigin aıtty.