Keshe bager stansıasyn sý basyp qalǵan.
Osynyń kesirinen qazandyqtardy qyzdyratyn mazýtqa sý aralasyp ketken. Degenmen jylytý ortalyǵynda jumys istep jatqan merdigerler mazýtty soryp alyp, barlyq agregattyń jumysyn qalpyna keltirgen, dep habarlaıdy Almaty-akshamy.kz.
Shahar ákiminiń aıtýynsha, bul joly apatqa jylytý ortalyǵy basshylyǵynyń nemquraılyǵy sebep. Dál osyndaı jaǵdaı byltyr qarashanyń besinde bolǵan. Kesheden beri bager stansıasynda bolǵan apatty joıý jumystary júrgizilip jatyr. Ol úshin 4 motopompa, 4 sýasty sorǵylary iske qosylǵan.
«Rıdder turǵyndaryna aıtarym - bolǵan jaǵdaı stansıanyń jumysyna áser etpeıdi. Alańdaýǵa eshqandaı sebep joq. Rezervtik jabdyq qosylǵan. Jylý elektr ortalyǵynan jylý berý keste boıynsha júrgiziledi. Shtab mamandary oqıǵanyń sebepterin anyqtaıtyn bolady», - dedi Rıdder qalasynyń ákimi Dmıtrıı Gorkovoı.