Bul týraly Roman Sklár aıtty.
Onyń aıtýynsha, qańtar oqıǵasy kezinde elimizdiń segiz oblysyndaǵy 42 qoǵamdyq ǵımarat búlingen, dep habarlaıdy Almaty-akshamy.kz
«Sonyń biri – Almatydaǵy Prezıdent rezıdensıasy. Ózderińiz biletindeı, bul nysandy buzý týraly sheshim qabyldanǵan. Búginde 41 nysanǵa 31 mıllıard 100 mıllıon teńge bólindi. 37 nysan qalpyna keltirildi. Osy aıda Jetisý oblysy ákimdiginiń ǵımaratyn qalpyna keltirý jumysy aıaqtalady, naýryz aıynda Almatydaǵy Bas prokýratýranyń Quqyqtyq statısıka jáne aqparat ortalyǵynyń ǵımaraty men qatty búlingen Almaty qalasy ákimdiginiń ǵımaraty qalpyna keltiriledi. Ony qaıta qalpyna keltirý jumysy osy jyldyń ekinshi toqsanynda aıaqtalady», - dedi ol.
Onyń sózinshe, Almatydaǵy teleradıokeshendi qalpyna keltirý múmkin bolmaǵandyqtan, buzý jóninde sheshim qabyldandy.
Sondaı-aq Premer-Mınıstrdiń birinshi orynbasary 350 komersıalyq nysannyń búlingenin aıtty.
«Búginde onyń bári qalpyna keltirildi. 1789 kásipkerlik sýbektisi keltirilgen zalaldy tikeleı óteýge ótinish bildirdi, shaǵyn jáne orta bıznes sýbektilerine 16 mıllıard 700 mıllıon teńge tolyq kólemde óteldi», - dedi Roman Sklár.
Bas prokýror Berik Asylov Másimov UQK ǵımarattaryn tastap ketý jóninde buıryq bergenin aıtty.