Eshqandaı eskertýler tirkegen joq.
Almaty qalasy boıynsha QR Prezıdentiniń saılaýyn jarıalaý jónindegi baspasóz ortalyǵynyń alańynda saılaý prosesin baqylaý máselesi boıynsha baspasóz konferensıasy ótti, dep habarlaıdy Almaty-akshamy.kz.
Spıker retinde Sverdlov oblysy Zań shyǵarý jınalysynyń óńirlik saıasat jáne jergilikti basqarýdy damytý jónindegi Komıtetiniń tóraǵasy Mıhaıl Valerevıch Zýbarev sóz sóıledi.
Spıker saılaý kúni Almatyda bolǵan barlyq 17 saılaý ýchaskesinde daýys berý rásimderi Qazaqstan Respýblıkasynyń Konstıtýsıasyna jáne «saılaý týraly» Zańyna naqty sáıkes ótkenin atap ótti.
«Barlyq ýchaskelerde bizdiń mısıamyzdan basqa da ulttyq baqylaýshylar men kandıdattardyń ókilderi kóp boldy. Men olarmen sóılestim, olardyń eshqaısysy eshqandaı eskertýler tirkegen joq. Bul saılaý prosedýrasy zańdy degendi bildiredi. Qazaqstan Respýblıkasynyń turǵyndary osy saılaý naýqanynyń nátıjelerin qabyldaıtynyna senimdimin. Men baqylaǵan ýchaskelerde eshqandaı zańbuzýshylyqtar bolǵan joq", - dedi M.Zýbarev.
Ol sondaı-aq olardyń mısıasy - Qazaqstan Respýblıkasy turǵyndarynyń erik bildirý prosesine aralasý emes, tek daýys berýdi qadaǵalaý ekenin atap ótti.
«Saılaý komısıasynyń múshelerine, baqylaýshylarǵa jáne saılaýshylarǵa qandaı da bir keńester berý bizdiń mindetimiz emes. Saılaý rásiminiń ózi-Qazaqstan Respýblıkasy turǵyndarynyń ishki máselesi. Halyqaralyq baqylaýshylar mısıasynyń mindeti-daýys berý prosesiniń zańdylyǵyn rastaý. Saılaý prosesi kóp qyrly jáne qarapaıym emes jáne bári onyń qyr - syryn bile bermeıdi», - dedi spıker.
M. Zýbarev Almatynyń saılaý ýchaskeleriniń jabdyqtanýyna da toqtaldy. Ol barlyq ýchaskeler jabdyqtalǵanyn, múmkindigi shekteýli jandar úshin daýys berýge jaǵdaı jasalǵanyn atap ótti.
«Ár ýchaskede kóshpeli daýys berý múmkindigi qarastyrylǵan jáne kóptegen ýchaskelerde azamattar osy quqyqty paıdalandy. Saılaýshylardyń erik-jigerine syrtqy kúshter tarapynan eshqandaı qysym bolǵan joq. Munda bizden basqa mısıalar men ulttyq baqylaýshylar jumys isteıdi. Saılaý komısıalarynyń jumysy barysynda eshqandaı buzýshylyqtar tirkelgen joq», - dep qorytyndylady Reseı Federasıasynyń spıkeri.