Astanada taekvondodan Qazaqstan Respýblıkasynyń VI jazǵy Spartakıadasy aıaqtaldy.
Jarys Jaqsylyq Úshkempirov atyndaǵy jekpe-jek Saraıynda 2-4 jeltoqsan aralyǵynda ótti, dep habarlaıdy almaty-akshamy.kz.
Úsh kún boıy elimizdiń túkpir-túkpirinen 179 myqty sportshy medaldar úshin jarysty. Jarysqa 113 er adam men 76 áıel qatysty, olardyń arasynda Hanchjoýdaǵy Jazǵy Azıa oıyndarynyń qola júldegeri Smaıyl Dúısebaı, Rıo-2016, Tokıo-2020 Olımpıada oıyndarynyń qatysýshysy jáne halyqaralyq týrnırlerdiń birneshe dúrkin jeńimpazy Rýslan Japarov, chendýdegi Dúnıejúzilik jazǵy Ýnıversıadanyń chempıony Rıta Bakısheva,qurama kóshbasshylary jáne halyqaralyq týrnırlerdiń birneshe dúrkin jeńimpazdary Botagóz Qapanova, Nurbek Gazez, Nuraı Hýsaınova jáne taǵy basqalar bar. Baıraqty básekede otandyq sportshylarymyz 16 salmaq dárejesinde óner kórsetip, ózara kim myqtyny anyqtady. Týrızm jáne sport mınıstri Ermek Marjyqpaev jarystyń fınaldyq jekpe-jekterin tamashalap, jeńimpazdar men júldegerlerdi marapattady.
«Taekvondodan elordada uıymdastyrylǵan respýblıkalyq spartakıada básekesi aıaqtaldy. Jarystyń sońǵy kúnindegi fınaldyq jekpe-jekter tartysty ótti. Elimizdiń aımaqtarynan kelgen sport sheberleri ózara kúsh synasyp, jankúıerlerge óz sheberligin pash etti. Jarys barysynda tóreshiler ádil jumys istegenin, al el spartakıadasy joǵary deńgeıde uıymdastyrylǵanyn atap ótken jón. Sportshylarymyzdy jarqyn jeńisterimen shyn júrekten quttyqtaımyn. Endigi kezekte, namysty qoldan bermeı, álemdik saıysta úzdikter qatarynan kórinýine tilektespin», - dep atap ótti Ermek Marjyqpaev.