Shyǵys Qazaqstan, Abaı oblystaryndaǵy respýblıkalyq mańyzy bar «Qalbataý-Maıqapshaǵaı» tasjolyn sý basty, dep habarlady QazAvtoJol ulttyq kompanıasy.
26 naýryzda saǵat 12:00 shamasynda «Qalbataý-Maıqapshaǵaı» tasjolynyń 1 113-shaqyrymynda qar erip, aınalma jolda sý tasqyny boldy. Tasqyn sýdyń aýdany – 300 metr, al bıiktigi – 5-10 sm. Atalǵan ýchaskede sý qubyry bar.
Sý basqan ýchaskede qosymsha metal qubyrlar ornatylyp jatyr. Tasqyn saldaryn joıý úshin 10 jumysshy men 8 arnaıy tehnıka jumyldyrylǵan.
Atalǵan ýchaskede kópirdiń salynýyna baılanysty negizgi jolda qozǵalys toqtatyldy.