Respýblıkalyq aórdagerler jıyny ótpek
Bes jyl saıyn elimizdiń túkpir-túkpirinen keletin ardaqty aqsaqaldardyń basyn qosatyn kezdesý bıyl qazan aıynda Nur-Sultanda ótedi, dep habarlaıdy Almaty-akshamy.kz Almaty.tv-ǵa silteme jasap.
Respýblıkalyq ardagerler keńesiniń VIII sezine Almaty qalasynan qatysatyn delegattar belgili boldy. Bes jyl saıyn elimizdiń túkpir-túkpirinen keletin ardaqty aqsaqaldardyń basyn qosatyn kezdesý bıyl qazan aıynda Nur-Sultanda ótedi. Búgin qalalyq ardagerler uıymynyń H konferensıasynda bas qosqan aǵa býyn ókilderi 5 jyldyq jumysty qorytyndylap, aldaǵy josparlardy saralady.
Ardagerler – eldiń uıytqysy, kóshbasshysy. Búginde qalalyq ardagerler uıymynyń árbir múshesi - elimiz táýelsizdik alǵan jyldary jaýapty qyzmette bolǵan tulǵalar. Qalanyń ósip-órkendeýi jolynda súbeli úles qosty, keıingilerge taǵylymdy tárbıe berdi, rýhanı azyq bolatyn úlken mektep qalyptastyrdy. Sol sebepti qartyn qazynaǵa balap, tektisin tórine shyǵarǵan qazaq úlkenderdi qashanda joǵary baǵalaǵan. Búgingi jıynda 3 másele qaralyp, birqatar usynystar engizildi.
«Bul konferensıanyń mańyzy 7-sezden keıingi 6 jyldyń ishinde óteıindep otyrǵan shara. 9-10 konferensıanyń arasy 6 jyl bolyp otyr. Bul áleýmettik turmystyq, qarttardyń jaǵdaıyn sıpattaıtyn belgilenip qoıylady», – dedi Alataý aýdandyq ardagerler keńesiniń tóraǵasy Qudaıbergen Qabdoldın.
Ardagerler búgin 9 delegatty saılady. Olar qazan aıynda Nur-Sultan qalasynda ótetin keleli jıynǵa barady. Konferensıada delegat múshelerine qalalyq ardagerler keńesiniń tóraǵasyn saılaý múmkindigi berildi. Pleným músheleri bir aýyzdan Bıjanov Ahan Qusaıynulynyń kandıdatýrasyn qoldady. Sharaǵa qala ákiminiń orynbasary Erjan Babaqumarov pen aýdandyq keńes músheleri ZOOM platformasy arqyly onlaın qatysty.
«Bul qalamyzda ótkizilip otyrǵan asa mańyzdy sharanyń biri. Bul kezdesýdiń Táýelsizdigimizdiń 30 jyldyǵy qarsańynda ótkizilýiniń ózi úlken sáıkestik der edim. Sońǵy bes jyl ishinde qalamyzda zeınetkerler sany 5 esege deıin ósti. Olarǵa kórsetiletin áleýmettik kómek te qala ákimdiginiń qoldaýymen sátti júzege asyp keledi», – dedi qalalyq ardagerler uıymynyń tórǵasy Ahan Bıjanov.
Sondaı-aq, qazir qalada 232 myńǵa jýyq zeınetker bar. Jyl saıyn ardagerler arasynda mádenı-sporttyq sharalar ótkizilip, týrısik baǵyttaǵy tanymdyq ekskýrsıalar uıymdastyrylyp turady.