«Respýblıka kúni elimizdiń barlyq azamattary úshin ortaq mereke» - sarapshylar ulttyq merekeniń mańyzy týraly aıtty, dep habarlaıdy almaty-akshamy.kz
Respýblıka kúniniń qarsańynda Almaty qalasy Óńirlik komýnıkasıalar qyzmetiniń alańynda Qazaqstan halqy assambleıasy men azamattyq qoǵam ókilderiniń qatysýymen baspasóz konferensıasy ótti.
Esterińizge sala keteıik, Memleket basshysynyń tapsyrmasy boıynsha 2022 jyly «Qazaqstan Respýblıkasyndaǵy merekeler týraly» Zańǵa ózgerister men tolyqtyrýlar engizildi. Zańǵa sáıkes 25 Qazan - Respýblıka kúni ulttyq mereke bolyp belgilendi.
Brıfıńte sóılegen sózinde Almaty qalasy Azamattyq Alánsynyń tóraǵasy Qaıyrjan Ábdihalyqov Respýblıka Kúni merekesiniń shyǵý tarıhy týraly eske saldy. 1990 jylǵy 25 qazanda Qazaq KSR Joǵarǵy Keńesiniń Qaýlysymen Qazaq KSR Memlekettik Egemendigi týraly Deklarasıa qabyldandy.
«Respýblıka kúni - elimizdiń barlyq azamattary úshin ortaq mereke. Men úshin bul kún patrıotızmmen, ulttyq biregeılikpen baılanysty. Ótken jyldan beri bizde jaqsy dástúr qalyptasty, ol - ulttyq týdy kóterý. Osy arqyly biz ulttyq rámizderge degen qurmetimizdi taǵy bir ret kórsetip otyrmyz. Shynynda da, bul barlyq azamattardy etnıkalyq, ulttyq shyǵý tegine, dinı, áleýmettik jáne basqa da qalaýlaryna qaramastan biriktiretin mereke. Tarıh pen qazirgi zaman turǵysynan respýblıkamyzdyń qandaı jetistikterge jetkenin kórsetetin jáne aıtatyn mereke. Eger tarıh bizdiń egemendikke qalaı qadam basqanymyzdy, táýelsizdik úshin kúreskenimizdi kórsetse, onda qazirgi zaman turǵysynan bul qazirgi Qazaqstannyń jetistikteri, onyń álemdik arenada jáne bizdiń óńirde halyqaralyq moıyndalýy», - dedi Q.Ábdihalyqov.
Sondaı-aq, spıker óz sózinde bolashaq urpaqty azamattyq jáne patrıottyq qundylyqtarǵa baýlý qajettigine nazar aýdardy. Ol bul baǵytta belgili bir qadamdar jasalyp jatqanyn atap ótti.
Óz kezeginde, qoǵam qaıratkeri jáne qazaq tili muǵalimi Alına Kan jastardyń el tarıhy men qazaq tilin úırenýge belsendi qyzyǵýshylyq tanytatynyn atap ótti.
«Búginde jastarymyzdyń elimizdiń tarıhyna degen qyzyǵýshylyǵy baıqalyp júr. Jastarǵa patrıotızmniń úlgisin kórsetip, bizdiń tarıhymyz týraly kóbirek aıtýy kerek. Respýblıka kúnimen quttyqtaýǵa ruqsat etińizder. Bul men úshin, sondaı-aq elimizdiń barlyq azamattary úshin mańyzdy mereke. Bizdiń elimiz órkendeı bersin!»,- dep qorytyndylady ol.