Eýropaǵa júkterdi úzdiksiz tasymaldaýdy qamtamasyz etý úshin Transkaspıı halyqaralyq kólik marshrýty arqyly tasymaldaý kólemin ulǵaıtý jumysy júrip jatyr - Úkimet basshysy
QR Premer-Mınıstri Álıhan Smaıylov Májilis ókilderiniń depýtattyq saýalyna joldaǵan jaýabynda Reseıde qalyp qoıǵan taýarlar Eýropaǵa qalaı shyǵarylatynyn aıtty, dep habarlaıdy Almaty-akshamy.kz QazAqparatqa silteme jasap.
«Qalyptasyp otyrǵan geosaıası shıelenis jahandyq jetkizilim tizbegine áser etip, shıkizat pen taýarlar baǵasynyń ósýin, óńirdegi tasymal dálizderiniń ózgerýin qamtıtyn kóptegen problemalardy týǵyzady. Ekonomıka men bızneste týyndaıtyn problemalardy sheshý maqsatynda Úkimet daǵdarysqa qarsy sharalar jónindegi jedel shtab qurdy. Onyń otyrystary aıasynda shet elderge júkterdi tasymaldaý máseleleri qaraldy. Qazaqstannyń kólik logıstıkasyn ártaraptandyrýǵa qatysty Eýropaǵa júkterdi úzdiksiz tasymaldaýdy qamtamasyz etý úshin Transkaspıı halyqaralyq kólik marshrýty arqyly tasymaldaý kólemin ulǵaıtý jumysy júrip jatyr», - dep jazady Úkimet basshysy.
Iaǵnı, Aqtaý, Quryq, Baký, Batýmı, Potı aralyǵyn jalǵaıtyn teńiz porttarynyń qýaty osy baǵytta shamamen 7 mln tonna júk ótkizýge múmkindik bermek.
«Sonymen qatar Qazaqstan men Latvıanyń kólik vedomstvolary arasynda Reseı aýmaǵynda qalyp qoıǵan qazaqstandyq júkti Rıga jáne Ventspıls porttary arqyly Eýropaǵa tasymaldaý týraly kelissóz júrgizildi. Bul rette Latvıa tarapy aldaǵy ýaqytta óz porttarynyń qazaqstandyq tranzıttik júkterdi qabyldap, ótkizý qabileti aıtarlyqtaı joǵary deńgeıde ekenin habarlady», - dep jazylǵan jaýapta.
Aıta keteıik, Grýzıa, Ázirbaıjan, Túrkıa jáne Qazaqstan arasyndaǵy Middle Corridor birlesken kásiporny ázirlenip jatyr. Ol 2023 jyldyń basynda nemese ortasynda resmı daıyn bolýy múmkin.