Almatynyń Mýltımedıalyq dástúrli mýzyka ortalyǵynda «Táńir syıy – Táýelsizdik» taqyrybynda kezdesý ótti.
«Dóńgelek ústel» basyndaǵy áńgimege jeltoqsanshy qarakózder – Nesipkúl Eńsebaeva, Aqkúmis Yqylasova jáne Baǵıla Aǵmanova shaqyrylǵan bolatyn. Olar jastar aldynda 1986 jylǵy Jeltoqsan oqıǵasynyń mán-maǵynasy týraly, sol kezeńdegi qazaq jastarynyń patrıottyq sezimi, ulttyq namysy, erik-jigeri qandaı bolǵandyǵy haqynda áńgime órbitti. Omydan 39 jyl burynǵy Jeltoqsan qozǵalysynyń tarıhı sabaǵy men el bolashaǵyna áseri jóninde tarqatty. Jastar óz kezeginde meımandarǵa saýaldaryn qoıyp, ózara pikir almasty.
Bul kezdesýdiń búgingi urpaqtyń elge, jerge degen súıispenshiligin oıatýǵa yqpal etkeni sózsiz.
«Men de jeltoqsannyń yzǵarly kúni alańǵa barǵan qyzdardyń birimin. «Qazaqtardy jappaı uryp-soǵyp jatyr eken» degen habardy estigende júregim keýdeme syımaı atqaqtap ketti. Men de olardyń janynda bolýym kerek qoı dep alańǵa shyǵyp kettim. Zamandastarymnyń sol kúngi tolqýyn, árbir jastyń janaryndaǵy ot-jalyndy, ásirese qazaq qyzdarynyń qaısarlyǵyn sózben sýrettep jetkizý múmkin emes. Sýyqqa da, kúshtik qurylymnyń taıaǵyna da qaramaı, elim, jerim, tilim dep rýhtana túsken jastardyń beınesi áli kúnge kóz aldymda. Alańǵa shyqqandardyń talaıy qýdalandy, densaýlyǵynan da aıyrylǵany da az emes. Táýelsizdik bizge osylaı jetken. Egemen eldiń erteńi – ózderińe amanat!», – dedi jeltoqsanshy Baǵıla Baıbaqqyzy.