15 qazandaǵy jaǵdaı boıynsha, Reseıde koronavırýs ınfeksıasynan qaıtys bolǵandar sany 999-ǵa jetti. Bul - pandemıa bastalǵannan bergi eń joǵary kórsetkish, dep habarlaıdy almaty-akshamy.kz QazAqparatqa silteme jasap.
Koronavırýsqa qarsy kúres jónindegi jedel shtabtyń málimetteri boıynsha, sońǵy aıda ólim-jitimniń eń joǵary máni 14 ret jańartyldy, ıaǵnı orta eseppen ár eki kún saıyn kezekti antırekord tirkelip otyrdy.
Resmı derekterge súıensek, sońǵy aıda Reseı Federasıasynda koronavırýstan 25 478 adam qaıtys boldy, ıaǵnı bul – pandemıa kezinde qaıtys bolǵandardyń jalpy sanynyń 11,51 paıyzy.
DDU jahandyq reıtıńinde Reseı sońǵy 7 kúnde koronavırýstan qaıtys bolǵandar sany boıynsha AQSH-tan keıingi 2-orynda jáne pandemıanyń búkil kezeńinde 5-orynda.
Sońǵy táýlikte Reseıde koronavırýstyń 32 196 jańa jaǵdaıy anyqtaldy, dep habarlaıdy Rospotrebnadzor saıty. Koronavırýs juqtyrǵandar sany boıynsha kósh bastap turǵandar:
Máskeý – 6 631 jaǵdaı,
Sankt-Peterbýrg – 2 632 jáne
Máskeý oblysy – 2 110 jaǵdaı.
Reseı Federasıasynda koronavırýstyń 7 926 176 jaǵdaıy anyqtaldy, 6 960 024 naýqas jazylyp shyqty. Pandemıa kezeńinde ınfeksıadan 221 313 adam qaıtys boldy. Al 1 581 572 adam medısınalyq baqylaýda.
Ótken táýlikte 22 268 adam emdelip shyqty. Epıdemıalyq jaǵdaıdyń shıelenisýine baılanysty 30-dan astam óńir karantın rejımin qatańdatty, onyń ishinde qoǵamdyq oryndarǵa barý jáne kópshilik is-sharalar úshin QR-kodtar, sondaı-aq vaksınadan ótkendigi týraly sertıfıkattar engizildi.
Jeke sýbektilerde vaksına alýǵa mindettelgen qyzmetkerler úshin qyzmet salalarynyń tizimi engizildi nemese keńeıtildi.