Almatyda Jambyl atyndaǵy memlekettik fılarmonıanyń kameralyq zalyna Halyq qaharmany, kúıshi-kompozıtor Nurǵısa Tilendıevtiń aty berildi, dep habarlaıdy almaty-akshamy.kz
Saltanatty is-sharaǵa marqumnyń jary Darıǵa, qyzy Dinzýhra Tilendıeva jáne mádenıet salasynyń ókilderi qatysty. Qonaqtar kúıshi-kompozıtordy eske alyp, ulttyq ónerge sińirgen ólsheýsiz úlesin aıtty. Eskertkish taqta qoıylǵan Jambyl atyndaǵy qazaq memlekettik fılormonıasynda kompozıtor «Otyrar sazy» ansamblin quryp, orkestr deńgeıine kótergen edi.
Sondaı-aq memorıaldy taqtanyń ashylý saltanatyna qatysqan kópshilik Nurǵısa Tilendıev atyndaǵy murajaıdyń eksponattar kórmesin de aralady. Kópshilik onyń qatal da syrbaz minezin eske aldy.
«Nur-aǵańnyń ómiriniń jartysy osy zalda ótken shyǵar. Bizdiń qazaq degen halyq aman turǵanda, Nur-aǵańnyń aty esh óshpeıdi dep senemin. Onyń eńbekteri – ólmeıtin óner», – dedi Nurǵısa Tilendıevtiń jary Darıǵa Tilendıeva.
«Ol kisi – fenomen. Qazaq halqynyń baǵy úshin týǵan daryn ıesi», – dedi QR UǴA akademıgi, memleket jáne qoǵam qaıratkeri Orazaly Sábden.