Energetıkalyq sýsyndardy satýǵa tyıym salatyn zań jobasy ázirlenýde.
Dýma depýtattary úkimetpen birge kámeletke tolmaǵandarǵa energetıkalyq sýsyndardy satýǵa tyıym salatyn zań jobasyn ázirlep jatyr, dep habarlaıdy Almaty-akshamy.kz lenta.ru silteme jasap.
Zań jobasynyń maqsaty - 18 jasqa tolmaǵan tulǵalarǵa alkogólsiz energetıkalyq jáne tonık sýsyndardy satýǵa jol bermeý. Sondaı-aq, mundaı sýsyndardy kámeletke tolmaǵandarǵa satqany úshin satýshylar men kásipkerler de jaýapqa tartylady.
Dýmanyń Qaýipsizdik jáne sybaılas jemqorlyqpen kúres jónindegi komıtetiniń múshesi Sultan Hamzaev: «Energetıkalyq sýsyndardyń quramyndaǵy taýrın, kofeın jáne gýarana mólsheriniń joǵarylaýy bala densaýlyǵyna keri áser etedi», - deıdi.
«Balalar arasynda onsyz da júıke júıesi, júrek, qan tamyrlary aýrýlary kóbeıdi. Buǵan energetıkalyq sýsyndardyń áserin qossańyz, jaǵdaı múlde qıyn. Energetıkalyq kokteılderdiń zıandy ekenin barlyq dárigerler aıtady», - dedi depýtat.