18 qabatty úıdiń turǵyndary evakýasıalandy.
Almatyda kóp qabatty úılerdiń birinen órt shyǵyp, turǵyndar evakýasıalandy, dep habarlaıdy Almaty-akshamy.kz Tótenshe jaǵdaılar deparatamentiniń baspasóz óyzmetine silteme jasap.
3 qańtar kúni saǵat 10:13 kezinde «101» púltine Brýsılovskıı kóshesi, 167 úıden órt shyqqany týraly habar kelip tústi.
«Órt sóndirý brıgadasy 18 qabatty úıdiń 4-shi qabatyndaǵy eki bólmeli páterdiń as bólmesin jáne taǵy bir bólmeni 30 sharshy metr aýmaqta ot sharpyǵanyn anyqtady. Qabyldanǵan sharalarmen órttiń taralýy 10:44-te toqtatylyp, 10:59-da joıyldy. Jalynnyń 5-shi qabatqa taralýyna jol berilmedi. Zardap shekkender joq. Oqıǵa sebebi anyqtalýda», - delingen TJD habarlamasynda.
Órtti sóndirýge 43 maman men 11 birlik tehnıka jumyldyryldy. Gaz-tútinnen qorǵaý qyzmetiniń toptary 75 turǵyndy, onyń ishinde 25 balany, qaýipsiz orynǵa evakýasıalady. Evakýasıalanǵan turǵyndardy jylytý úshin arnaıy avtobýs bólindi.