Synaq júıesi qymbat tehnologıalyq jabdyqty qajet etpeıdi.
Rospotrebnadzordyń Ortalyq epıdemıologıa ǵylymı-zertteý ınstıtýtynyń (RPN) ǵalymdary COVID-19-ny aýrýdy erte kezeńinde anyqtaı alatyn koronavırýs detektoryn jasap shyǵardy, dep habarlaıdy Almaty-akshamy.kz INTERFAX.RU saıtyna silteme jasap.
«Ázirlengen tehnologıa aqýyzdar jıyntyǵy sanalady, olardyń keıbireýleri materıaldy kúsheıtýge jaýap beredi (vırýstyq genomnyń NK fragmentiniń kóshirmeleriniń sanyn kóbeıtý), basqalary, CRISPR / Cas proteınderi SARS-CoV-2 genomynyń fragmentin tanýǵa jaýapty bolady. SARS-CoV-2 vırýsy genomynyń fragmentine tán osy aqýyzdar men baǵyttaýshy RNQ-lar bul júıeniń óte sezimtal, vırýstyń mınımaldy konsentrasıasyna da jaýap berýine múmkindik beredi», - delingen habarlamada.
Ázirleýshilerdiń biri, Ortalyq eksperımenttik medısına ǵylymı-zertteý ınstıtýtynyń eksperımenttik farmakologıa zerthanasynyń meńgerýshisi Aleksandr Túmensevtiń aıtýynsha, usynylyp otyrǵan tehnologıa tósekte jatqan naýqastyń ózin tez dıagnostıkalaýǵa múmkindik beretin júıeniń negizi bola alady. Ol mundaı synaq júıesi qymbat tehnologıalyq jabdyqty qajet etpeıtinin, sondyqtan ony óndirý arzanǵa túsetinin atap ótti.