Sársenbi kúni Irkýtsk oblysynda apatqa ushyraǵan An-12 ushaǵynyń bortynda toǵyz adam bolǵan, dep habarlaıdy almaty-akshamy.kz QazAqparatqa silteme jasap.
Bul týraly Tótenshe jaǵdaılardy joıý jónindegi komısıa otyrysynda Tótenshe jaǵdaılar mınıstrliginiń oblys boıynsha ortalyq apparaty basshysynyń birinshi orynbasary Andreı Rábovolov málim etken.
«Grodno áýe kompanıasynyń ókilinen alynǵan naqtylanǵan aqparatqa sáıkes, ushaq bortynda toǵyz adam, onyń ishinde bes ekıpaj múshesi jáne júkti alyp júretin tórt adam bolǵan», - dedi ol.
Bas keńse basshysynyń birinshi orynbasary alty adamnyń máıiti tabylyp, saraptamaǵa jetkizilgenin atap ótti. Toǵyz adamnyń tórteýi - Reseı, úsheýi - Belarýs, ekeýi Ýkraına azamaty.