Raqymjan Qoshqarbaev erligi rastalǵan qujat tapsyryldy
Qazaqstan Qarýly Kúshteriniń Memlekettik áskerı-tarıhı mýzeıi Reseı Federasıasy Qorǵanys mınıstrliginiń Ortalyq muraǵatynan alynǵan qujattarmen tolyqty, dep habarlaıdy Almaty-akshamy.kz Almaty.tv-ge silteme jasap.
Vedomstvo áleýmettik jelidegi paraqshasynda málim etkendeı, muny qujattanýshy, sarapshy Aqmaral Batalovadan tapsyrdy.
«Bul muraǵattyq qujattar 1945 jyldyń 30 sáýirinde Raqymjan Qoshqarbaev pen Grıgorıı Býlatovtyń Reıhstag qasbetine Jaýyngerlik Týdy tigý týraly erligin rastaıdy. Qujattardyń óskeleń urpaqty Uly Otan soǵysy jaýyngerleriniń erligi mysalynda áskerı-patrıottyq sezimge tárbıeleýde mańyzy zor», - delingen habarlamada.