Vladımır Pýtın Qazaqstan Prezıdentin búgingi merekemen quttyqtady
Reseı Federasıasynyń basshysy Vladımır Pýtın Qazaqstan Respýblıkasynyń Prezıdenti Qasym-Jomart Toqaevqa ulttyq meıram – Táýelsizdik kúnimen quttyqtaý jedelhatyn joldady, dep habarlaıdy Almaty-akshamy.kz QazAqparat saıtyna silteme jasap.
Reseı memleket basshysy Qazaqstannyń ekonomıkalyq, áleýmettik, ǵylymı-tehnıkalyq jáne basqa salalardaǵy jetistikterine joǵary baǵasyn berip, sondaı-aq eldiń álemdik arenadaǵy joǵary abyroıyn atap ótti.
«Bizdiń memleketterimizdiń arasyndaǵy qarym-qatynas strategıalyq seriktestik rýhynda qarqyndy damyp keledi. Túrli baǵyttardaǵy ekijaqty yntymaqtastyq, sondaı-aq EýrAzEO, UQSHU, TMD, SHYU, BUU sıaqty qurylymdar aıasyndaǵy ózara yqpaldastyq jemisin berip jatyr», - dep atap ótti quttyqtaýynda Reseı prezıdenti.
V.Pýtın eki el halyqtarynyń ıgiligi jáne eýrazıalyq qurlyqtaǵy turaqtylyq pen qaýipsizdikti qamtamasyz etý múddesi úshin qazaqstandyq-reseılik konstrýktıvti baılanysy odan ári nyǵaıa túsetinine senimin bildirdi.