Reseı Qytaıǵa gaz eksporttaý úshin Qazaqstan arqyly jańa baǵyt qurýdy qarastyryp jatyr. «Kommersant» málimetine súıensek, ol Mońǵolıa arqyly salynady dep josparlanǵan «Sibir qýaty 2» jobasyna balama bola alady, dep habarlaıdy aqshamnews.kz
Reseı Qazaqstan arqyly gaz qubyryn salýdyń eki nusqasyn usynady:
- «Altaı» jobasyn qaıta jandandyrý
Bul nusqa 2016 jyly toqtatylǵan «Altaı» jobasyn qaıta qolǵa alýdy kózdeıdi. Joba boıynsha gaz qubyry Iamaldaǵy gaz kenishterinen bastalyp, Qytaıdyń batys aımaqtaryna deıin 2,6 myń shaqyrymdy quraıdy. Bul jaǵdaıda Qazaqstanǵa Abaı, Pavlodar jáne Qaraǵandy oblystaryn gazdandyrý úshin jańa gaz qubyry salý qajet bolady.
2. Shyǵys Qazaqstan arqyly kúrdeli marshrýt
Ekinshi nusqa boıynsha gaz qubyry Qazaqstannyń shyǵys óńirlerinen, Abaı men Jetisý oblystary arqyly ótedi. Bul marshrýt Qytaıdyń «Batys — Shyǵys» gaz qubyry júıesine Qorǵas arqyly qosylady. Bul nusqa «Altaı» jobasynyń jańartylǵan nusqasy bolyp tabylady jáne Qazaqstan úshin tıimdirek bolýy múmkin. Sebebi, jobanyń negizgi bóligi «Gazprom» men Qytaıdyń CNPC kompanıalarynyń moınynda bolady, bul Qazaqstannyń qarjylyq júktemesin azaıtýǵa múmkindik beredi.
-
Gaz qubyrynyń «orta Azıa — Ortalyq» júıesin revers rejımine aýystyrý
Úshinshi nusqa retinde «Orta Azıa — Ortalyq» gaz qubyry júıesin revers rejımine aýystyrý usynylady. Bul ádis Qazaqstan men Ózbekstanmen ranaıy kelisimge kelý arqyly júzege asady. Tikeleı jetkizilimder múmkin bolmaǵan jaǵdaıda bul ádis tıimdi bolyp tabylady.
«Gazprom» úshin tıimdi sheshim
Bul tásil «Gazprom» úshin óte tıimdi bolady, óıtkeni ol jobanyń ıkemdiligin qamtamasyz etedi jáne joǵary paıyzdyq stavkalar jaǵdaıynda kapıtaldyq shyǵyndardy azaıtady.
Qazaqstan úshin bul gaz marshrýtynyń ártúrli nusqalary ekonomıkalyq turǵydan tıimdi bolýy múmkin, ári olar eýropalyq jáne qytaılyq naryqtarǵa gaz eksporttaýdy arttyrýǵa múmkindik beredi.