Reseı elshisi Oleg Malgınov «Ádiletti Reseı-patrıottar – shyndyq úshin» saıası partıasynyń teń tóraǵasy, Reseı jazýshysy Zahar Prılepınniń sózine baılanysty Ózbekstan SİM-ne shaqyryldy. Onda Z.Prılepınniń «Ózbekstan aýmaǵyn Reseıge qosý» týraly usynysy «asa qatty alańdaýshylyq» týdyrǵany Reseı ókiline jetkizildi, - dep habarlaıdy almaty-akshamy.kz.
Partıa lıderleriniń mundaı málimdemeleri eki el arasyndaǵy strategıalyq áriptestikke iritki salatynyn atap ótti.
Birikken komandırler keńesiniń otyrysynda Prılepın «bizge, gastarbaıterler keletin aýmaqtardy qosý kerek, sodan keıin onda týǵan balalar birden orys tilin úırenedi», - dep málimdedi, dep jazdy Ózbek syrtqy saıası vedomstvosy.
Buǵan deıin de Máskeý jáne Búkil Reseı Patrıarhy Kırıll Reseıdegi mıgranttar eldegi dinaralyq jáne ultaralyq beıbitshilikke qaýip tóndiretinin aıtqan edi.
Esterińizge sala keteıik, qazan aıynda Ózbekstan bıligi Reseıge barǵan mıgranttardyń balalaryna arnap jeke balabaqshalar men mektepter ashýdy usyndy. Bilim oshaqtary otandastardyń qarajaty esebinen salynyp, Reseıdiń bilim berý baǵdarlamasy boıynsha jumys isteýi kerek ekenin aıtqan.