Aıyppul mólsheri – jarty mıllıon teńge.
Qarjy memleket paıdasyna tolyq kólemde óndirildi, dep habarlaıdy aqshamnews.kz
Atyraýda qos azamattyǵy bar adamǵa 516 myń 880 teńge aıyppul salyndy. Oblystyq polısıa departamenti kóshi-qon qyzmeti basqarmasy qos azamattyǵy bar Qurmanǵazy aýdanynyń turǵynyn anyqtady. Ol Qazaqstan Respýblıkasynda týyp, 2002 jyly alǵash ret Qazaqstan azamatynyń jeke basyn kýálandyratyn qujattaryn rásimdegen. Alaıda 2023 jyly Reseı Federasıasynyń azamattyǵyn qabyldap, sol jyly shildede Reseı azamattyǵyn kýálandyratyn qujattaryn alǵan.
«Anyqtalǵan er adamǵa QR zańnamasynda belgilengen merzimderde shetel azamattyǵyn alý faktisin habarlamaý boıynsha ákimshilik hattama toltyrylyp, is-qujattar prosesýaldyq sheshim qabyldaý úshin Qurmanǵazy aýdandyq sotyna joldandy. Sot sheshimimen azamat kináli dep tanylyp, oǵan 140 aılyq eseptik kórsetkish, ıaǵnı 516 880 teńge kóleminde aıyppul salyndy. Aıyppul memleket paıdasyna tolyq kólemde óndirildi», – delingen habarlamada.
Sonymen qatar atalǵan derek negizinde 47-jastaǵy er adamdy Qazaqstan azamattyǵynan aıyryp, málimetter tıisti aqparattyq júıelerge engizildi.
Aıta ketsek, jyl basynan beri Atyraý oblysynda Qazaqstan Respýblıkasynyń azamattyǵynan aıyrý týraly 192 derek tirkelgen. Onyń ishinde 17 adam – qos azamattyǵy bar adamdar. Sot sheshimderimen 15 adamǵa aıyppul salynsa, 2 adam QR ákimshilik jolmen shyǵarylǵan. Olarǵa Qazaqstan aýmaǵyna 5 jylǵa deıin kirýge tyıym salyndy.
Qazaqstan zańnamasy boıynsha qos azamattyqqa tyıym salynǵan. Qazaqstan azamattyǵyn alǵan tulǵalar 30 kún ishinde burynǵy eliniń pasportyn tapsyrýǵa mindetti. Bul talaptar basqa memlekettiń azamattyǵyn qabyldaǵan Qazaqstan azamattaryna da qatysty.