Elde jyl sońyna deıin saıası qýǵyn-súrginge ushyraǵan tulǵalar jaıly jınaq jaryqqa shyǵady
Bul týraly Saıası qýǵyn-súrgin qurbandaryn tolyq aqtaý jónindegi memlekettik komısıanyń múshesi Sabyr Qasymov bizdiń arnaǵa bergen suhbatynda aıtty, dep habarlaıdy Almaty-akshamy.kz 24.kz-ke silteme jasap.
Onyń aıtýynsha, kitapta qazaqstandyq ǵylym, mádenıet jáne saıasat salasynyń zıaly qaýym ókilderi men qosa basqa da azamattar jaıly tyń derekter de bar.
«Kezinde jazyqsyz jazalanǵan tulǵalardyń urpaqtaryn izdeımiz»,– dedi ol.
Aldaǵy ýaqytta zulmat zamanda qudalaýǵa ushyraǵan júz myńnan astam adamnyń qujaty jınalyp, zerttelip, arhıvter jınaqtalady.
«Buryn olardyń bári qupıa bolǵan. Onyń bárin saraptap, zańgerlerdi tartyp jatyrmyz. Ekspertıza júrgizedi. Sol aktilerden zardap shekkenderdi aqtaımyz. Jańa zań qabyldaımyz. Qazirgi zańdarǵa ózgeris engizemiz. Qupıa bolyp jatqan fondtardy ashyp jatyrmyz. UQK júzden astam isti ashty», - dedi Saıası qýǵyn-súrgin qurbandaryn tolyq aqtaý jónindegi memlekettik komısıanyń múshesi Sabyr Qasymov.