Májilis depýtaty Darhan Myńbaıdyń aıtýynsha, neke sanynyń qysqarýy jáne ajyrasý faktileriniń ósýi júıeli túrde tirkelip otyr.
Ajyrasýdyń kóp bóligi 30-34 jas aralyǵyndaǵy jas otbasylarǵa tıesili, dep habarlaıdy Almaty-akshamy.kz
Depýtat otbasylardyń ajyrasýyn boldyrmaý úshin mektepter men joǵary oqý oryndarynda arnaıy sabaqtar engizýdi usyndy.
«Otbasy jáne resmı statısıka týraly Ulttyq baıandamanyń derekteri boıynsha 2015 jyldan bastap 2019 jylǵa deıingi kezeńde tirkelgen nekeniń jalpy sany 709,6 myń, al ajyrasqan otbasylar – 274,5 myń boldy. Iaǵnı tirkelgen nekemen salystyrǵanda ajyrasýlar sany 35%-ten 43%-ke deıin ósti. Demek, keıingi 5 jylda kúnine 389 neke tirkelip, 150 otbasy ajyrasqan», – dedi májilismen.
Ol 2019 jyldyń qorytyndysy boıynsha 59 796 neke buzylǵanyn, ıaǵnı bir kúnde 164 otbasy ajyrasqanyn atap ótti.
«Sol jyly 120 myńǵa jýyq adam nekeni buzdy, olardyń árqaısysy ekinshi, ıaǵnı 60 myńnan astamy (60 324 jas – 50,5%) – 18-35 jasqa deıingi jastar. Ajyrasýdyń kóp bóligi 30-34 jas aralyǵyndaǵy jas otbasylarǵa tıesili (23,3%)», - deıdi depýtat.