Bul týraly Indýstrıa jáne ınfraqurylymdyq damý mınıstrligi aıtty.
Reıs keshikkeni úshin qazaqstandyq jolaýshylarǵa tólenetin ótemaqy mólsheri ósýi múmkin, dep habarlaıdy Almaty-akshamy.kz.
«Qazirgi ýaqytta reıs keshiktirilgen jaǵdaıda, áýekompanıalar jaýapkershiligin kúsheıtý maqsatynda qoldanystaǵy zańnamaǵa túzetýler engizý qarastyrylyp jatyr. Osy jumys aıasynda reıs keshiktirilgen jaǵdaıda, jolaýshylarǵa tólenetin aıyppul kólemin ulǵaıtý máselesi qarastyrylyp jatyr», - dedi mınıstrlik ókilderi.
Vedomstvo azamattardyń quqyǵyn saqtamaǵany úshin Air Astana áýekompanıasyna tórt ret aıyppul salǵanyn túsindirip, tergeý áli jalǵasyp jatqanyn, jańa zań buzýshylyqtar anyqtalsa, tasymaldaýshylar qoldanystaǵy zańnamaǵa sáıkes tıisti jaýapkershilikke tartylatynyn aıtty.