Óńirlik komýnıkasıalar qyzmetiniń onlaın alańynda «Almaty halyqaralyq áýejaıy» AQ jerde qyzmet kórsetý jáne óndiris jónindegi aǵa vıse-prezıdenti Zıtsers Sımonstyń qatysýymen Qazaqstan Respýblıkasy Kólik qyzmetkerleri kúnine arnalǵan brıfıń ótti, dep habarlaıdy Almaty-akshamy.kz.
Pandemıa kezinde áýejaı kirisiniń 2/3 bóligin joǵaltty. Búginde Almaty postpandemıa kezeńinde ómirdiń barlyq salasy, sonyń ishinde avıasıa salasy belsendi túrde qalpyna keltirilýde: reıster qaıta jandanýda, jańa baǵyttar ashylýda.
Zıtsers Sımons halyqaralyq áýejaıynyń ókili adamdardyń qaıta saıahattaı bastaǵany ishki jáne halyqaralyq avıasıa úshin óte jaqsy belgi ekenin atap ótti.
«Biz bolashaqta áýe kóligine suranystyń arta túsetinin kórip otyrmyz. Qazaqstandaǵy Almaty halyqaralyq áýejaıy Qazaqstannyń negizgi áýe qaqpasy bolyp tabylady. Qazirgi kezeńde biz ósip kele jatqan jolaýshylar aǵynyn jeńýge kómektesetin jańa termınal salý qajettiligin kórip otyrmyz», - dep atap ótti ÓKQ brıfıńiniń spıkeri.
Zıtsers Sımons avıasıa uzaq merzimdi josparlaýdy qajet etedi dep sanaıdy. Qandaı ushaq jasaý kerek, olarda kim jáne qandaı masshtabta ushady? Sondaı-aq jýrnalıser saýalyna jaýap bergen spıker Almaty áýejaıynyń ishki termınalyn jańasynyń qurylysy aıaqtalyp, iske qosylǵannan keıin birden qaıta qurý josparlanyp otyrǵanyn aıtty.
«Biz qazirgi termınaldy múmkindiginshe jaqsartýǵa tyrysamyz. Osydan bir aı buryn ishki termınaldyń altynshy otyrǵyzý sektorynda jóndeý jumystary aıaqtaldy, onyń aýdany buryn 177 sharshy metr bolsa, qazir 850. Eki shyǵaberistiń ornyna qazir tórteýi bar. Zaldar keńeıdi», - dep túıindedi Zıtsers Sımons.