1. Referendým ýchaskesiniń shekarasyndaǵy referendýmǵa qatysýshylar tizimderinen ózin tappaǵan azamat derbes derekterin jınaýǵa jáne óńdeýge kelisimin bere otyryp, referendýmǵa qatysýshylar tizimine engizý týraly jazbasha ótinishpen ýchaskelik referendým komısıasyna júginedi.
2. Ýchaskelik referendým komısıasynyń múshesi azamattyń jazbasha ótinishi negizinde «elektrondyq úkimet» portalynyń onlaın-servısi (budan ári – onlaın-servıs) arqyly onyń turǵylyqty jeri boıynsha tirkelgeni týraly málimetterdi «2024 jylǵy 6 qazanǵa taǵaıyndalǵan respýblıkalyq referendýmda «elektrondyq úkimet» portalynda azamattardy tirkelgen jeri boıynsha málimetterdi tekserý onlaın-servısin iske asyrý» algorıtmine sáıkes tekseredi.
2.1 Onlaın-servıs betinde ótinish berýshiniń tıisti referendým ýchaskesiniń shekarasyndaǵy aýmaqta turǵylyqty jeri boıynsha turaqty tirkelgeni týraly málimetter rastalǵan kezde, ýchaskelik referendým komısıasy ony referendýmǵa qatysýshylar tizimine engizý týraly sheshim qabyldaıdy.
2.2 Referendýmnyń tıisti ýchaskesiniń shekaralarynda tirkelgeni týraly málimetter bolmaǵan jaǵdaıda, ýchaskelik referendým komısıasy azamattyń ótinishi negizinde Qazaqstan Respýblıkasynyń búkil aýmaǵy boıynsha azamattyń tirkelgeni (tirkelmegeni) týraly málimetterdi «E-gov» portalynda naqtylaıdy.
2.3 Azamattyń Qazaqstan Respýblıkasynyń sheginde basqa referendým ýchaskesinde tirkelgeni týraly málimetter bolǵan jaǵdaıda, ýchaskelik referendým komısıasy azamatqa bul týraly túsinikteme beredi.
3. Azamattyń Qazaqstan Respýblıkasynyń shegindegi basqa referendým ýchaskesinde tirkelgeni týraly jáne azamattyń Qazaqstan Respýblıkasynyń sheginde turaqty turǵylyqty jeri boıynsha tirkelgeni týraly málimetter bolmaǵan jaǵdaıda, ýchaskelik referendým komısıasy azamatty Qazaqstan Respýblıkasy İshki ister mınıstriniń mindetin atqarýshynyń 2024 jylǵy 9 qyrkúıektegi № 677 buıryǵymen bekitilgen Halyqty tirkeý erejeleriniń 17-tarmaǵyna sáıkes qosymsha tekserý jáne tirkeý úshin «Azamattarǵa arnalǵan úkimet» memlekettik korporasıasy» Komersıalyq emes aksıonerlik qoǵamynyń (budan ári – HQKO) qyzmetkerine jiberedi.
4. HQKO qyzmetkeri búkil Qazaqstan Respýblıkasynyń aýmaǵy boıynsha azamattyń tirkelgeni (tirkelmegeni) týraly málimetterge azamattyń ótinishi negizinde tekserý júrgizedi.
5. Azamat basqa óńirdiń quramyna kiretin ákimshilik-aýmaqtyq birliktiń aýmaǵynda tirkelgen jaǵdaıda, HQKO qyzmetkeri azamatqa ol týraly túsinikteme beredi jáne tirkeýden bas tartady.
6. Eger azamat Respýblıka sheginde turaqty tirkelgen bolmasa jáne Qazaqstan Respýblıkasynyń búkil aýmaǵy boıynsha referendýmǵa qatysýshylardyń tizimine engizilmegen jaǵdaıda, HQKO qyzmetkeri Qaǵıdalarǵa sáıkes osy algorıtmge 1-qosymshaǵa saı ǵımarat nemese úı-jaı menshik ıesiniń ótinishi negizinde referendýmnyń belgili bir ýchaskesiniń mekenjaıy boıynsha referendýmǵa qatysýshyny turaqty tirkeýdi júzege asyrady.
7. Tirkelgennen keıin azamat onlaın-servıs arqyly tirkeýdiń bar-joǵyn qaıta tekserý úshin ýchaskelik referendým komısıasynyń múshelerine jiberiledi.
8. Referendým ýchaskesiniń mekenjaıy boıynsha azamatty tirkeýdiń bar ekendigi sátti rastalǵan kezde ýchaskelik referendým komısıasynyń tóraǵasy ony referendýmǵa qatysýshylar tizimine engizý týraly sheshim qabyldaıdy.
9. Referendým aıaqtalǵannan keıin kelesi kúni HQKO qyzmetkeri ǵımarattyń nemese úı-jaıdyń menshik ıesiniń ótinishhaty negizinde referendým ýchaskeleriniń mekenjaılary boıynsha buryn tirkelgen azamattardy osy algorıtmge 2-qosymshaǵa sáıkes tirkeýden shyǵarady.
10. Qazaqstan Respýblıkasynyń derbes derekter jáne olardy qorǵaý týraly zańnamasynyń talaptary buzylǵan jaǵdaıda derbes derekterge zańsyz qol jetkizýge baılanysty aqparattyq qaýipsizdik ınsıdentteri týraly ýchaskelik referendým komısıalarynyń músheleri derbes derekterdi qorǵaý salasyndaǵy ýákiletti organdy habardar etýi qajet.