QR Parlamenti senatorlary Almatydaǵy joǵary oqý oryndarynyń ujymdarymen kezdesti. Kezdesýdiń basty maqsaty 5 maýsymda elimizde ótetin respýblıkalyq referendýmdy túsindirý boldy.
Búkilhalyqtyq saıası naýqan barysynda senatorlar Qazaqstan ınjenerlik-tehnologıalyq ýnıversıtetine bardy. Olardyń qatarynda depýtattar Baqytjan Jumaǵulov, Dınar Núketaeva, Talǵat Musabaev, Nurtóre Júsip, Sultanbek Mákejanov jáne referendýmdy qoldaý jónindegi qalalyq shtab basshysy Rahman Alshanov bar.
Kezdesýdi ashqan Qazaqstan ınjenerlik-tehnologıalyq ýnıversıtetiniń rektory Gúlnar Sársenbekova referendýmnyń tarıhı mańyzdylyǵyn atap ótip, Konstıtýsıaǵa ózgerister men tolyqtyrýlar engizý Qazaqstannyń demokratıalyq damý jolynyń jarqyn úlgisi bolyp tabylatyny týraly pikir bildirdi. Ol oqytýshylarmen jáne stýdenttermen kezdesýge arnaıy kelgen qonaqtarǵa alǵysyn jetkizdi.
«QazITÝ ujymy demokratıalyq ózgeristerdi jáne memleket basshysynyń respýblıkalyq referendým ótkizý týraly bastamasyn qoldaıdy. Bul azamattardyń demokratıalyq prosesterge qatysýy men jańa Qazaqstandy qurýy úshin, ásirese jas urpaq úshin naqty múmkindik. Referendýmǵa kelip, ózgerister men eldiń bolashaǵy úshin daýys berý qajet», - dep atap ótti rektor Gúlnar Álibekqyzy.
QR Parlamenti Senatynyń depýtattary Konstıtýsıaǵa engiziletin ózgerister men tolyqtyrýlar týraly aıtyp, oqytýshylar men stýdentterdiń suraqtaryna jaýap berdi. Olar sondaı-aq stýdentterdi mańyzdy saıası oqıǵadan tys qalmaýǵa, referendýmǵa kelip, daýys berýge shaqyrdy.
QazITÝ-ǵa sapary barysynda senatorlar JOO-nyń jetistikteri men qyzmet baǵyttarymen, onyń tehnıkalyq jáne zerthanalyq bazasymen tanysty, sondaı-aq ujymǵa elimizdiń jańa ekonomıkasy úshin joǵary bilikti mamandar daıarlaý isinde tabys tiledi.
