Prezıdentimiz, Qasym-Jomart Kemeluly Toqaev Referendým qorytyndysy boıynsha Qazaqstan halqyna Úndeú jasap óz rızashylyǵyn bildirdi.
Bul týraly «AMANAT» partıasy Almaty qalalyq shtabynyń múshesi Almaty qalasy máslıhatynyń depýtaty Raıhan Bólekbaeva aıtty, dep habarlaıdy Almaty-akshamy.kz.
Konstıtýsıalyq reformalar, búgingi kúnniń talabyna saı bolýy qajet ekendigi týraly túsindirý jumystaryna mende atsalysyp, kóptegen halyqpen kezdestik. Elimizdiń bolashaǵy jarqyn bolýy - óz qolymyzda, degen patrıottyq pikirler estidik. Jáne de, ózgeristerge senbeıtin adamdardyń da únine qulaq saldyq.
Referendým ótti, nátıjesinde - bolashaqty ózgertýge jol ashyldy! Jańǵyrý joly, "qoǵamdyq jáne jeke qundylyqtar júıesi túbirimen" jańǵyrý baǵyttar ashyldy. Konstıtýsıaǵa ózgerister engizilip, basqada zańnamaǵa reforma júredi.
Árıne, jańa baǵytpen damýymyzdyń negizgi qozǵaýshy kúshi - eńbek, bilim jáne azamattyq belsendilik.
"Konstıtýsıa negizinde bıliktiń barlyq ınstıtýty qyzmetiniń meılinshe tıimdi modelin qalyptastyramyz" - dedi Prezıdent.
Men, jańa Qazaqstannyń bolashaǵy jarqyn, ashyq bolýyna senemin! Zańdar rettelip, bir-birine qarama-qaıshylyq týdyrmasa, qoǵamdyq qozǵalysy retteledi. Barlyǵy óz qolymyzda - alǵa umtylaıyq, atsalysaıyq. Kúshimiz - birlikte!