Konstıtýsıalyq túzetýler memlekettigimizdiń tuǵyrnamasyn túbegeıli ózgertedi.
Bul týraly «AMANAT» partıasy Almaty qalalyq shtabynyń múshesi Tóleýǵalı Taıtóleev aıtty, dep habarlaıdy Almaty-akshamy.kz.
Jańa Qazaqstan tarıhyndaǵy mańyzdy belesterdiń, negizgi qadamdardyń biri bolǵan Referendýmnyń qorytyndysy boıynsha Prezıdentimiz halyqqa úndeý jasap, ultymyzdyń shynaıy ózgeristerge degen daıyndyǵy men uıymshyldyǵyn kórsetkenin, qoǵamymyzdyń kemeldigi men jaýapkershiligin tanytyp, daýys berýge azamattarymyzdyń belsendi qatysyp, elimizdi jańǵyrtý bastamasyn qoldaǵandardyń bárine alǵys aıtty.
«Konstıtýsıalyq túzetýler memlekettigimizdiń tuǵyrnamasyn túbegeıli ózgertedi. Búkil qoǵamnyń damýyna tyń serpin beredi.
Referendýmǵa belsene qatysyp, qoldaý bildirgen barsha halqymyzǵa zor rızashylyǵymdy bildiremin. Sondaı-aq, konstıtýsıalyq ózgeristerdiń mán-mańyzyn túsindirýge atsalysqan azamattarǵa, túrli qoǵamdyq uıymdarǵa alǵys aıtamyn», dedi Qasym-Jomart Toqaev.
Iá, «Amanat» partıasynyń qalalyq shtab múshesi retinde úgit-nasıhat jumystaryn júrgizip júrip, halyqtyń belsendilgi joǵary ekenine kózim jetti. Saılaý kúni de osy belsendilikti kóre aldym. Halyq qoǵamnyń ózgerisin kóp kútti jáne soǵan jetý jolynda judyryqtaı jumyla aldy.
Q-J. Toqaevtyń sózimen aıtsam «endi bizdiń aldymyzda ashyq ári ádiletti ekonomıka quryp, zańnamaǵa reforma júrgizý mindeti tur. Qoldan jasalǵan monopolıalardy túbegeıli joıyp, sybaılas jemqorlyqqa tosqaýyl qoıý mańyzdy. Biz kásipkerlerdiń bastamalaryna qoldaý kórsetip, jekemenshikti saqtap, básekelestikti kúsheıtýimiz kerek».
5 maýsym kúni zor jaýapkershilik jáne otansúıgishtik qasıetin pash etken bizdiń qoǵam, osy qasıetimizden aıyrylmaı Jańa, Ádiletti Qazaqstandy qurý jolyndaǵy birligimiz bekem ekenin kórseteıik.