Mamandar aqparattyń qaýipsizdigin eskerýimiz kerek degendi aıtady.
Referendým kezinde onlaın daýys berý tetigi qarastyrylmaǵan. Biraq bul másele boıynsha QR Sıfrlyq damý, ınovasıalar jáne aeroǵarysh ónerkásibi mınıstrligi aldaǵy ýaqytta Ortalyq saılaý komısıasyna usynys jasamaq, dep habarlaıdy Almaty-akshamy.kz QazAqparatqa silteme jasap.
«Referendým 2-3 jyl buryn josparlanǵan joq. Referendýmdy sıfrlyq túrde ótkizý úshin tehnologıa jalpy daıyn. Naqtylasam, jarty nemese 1 jyl ýaqyt berse, daıyndaýǵa bolady. Biraq zańdylyǵyn, aqparattyń qaýipsizdigin de eskerýimiz kerek. Daýys berý qalaı ótti? «Bazada ózi otyr ma, basqa bireý daýys berdi me?» degen suraqtar týyndaıdy. Keleshekte qolǵa alý úshin Ortalyq saılaý komısıasyna biz usynys jasaımyz, birge talqylaımyz», - dedi Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın aqtóbeliktermen kezdesýinde.
Aıta keteıik, Qazaqstanda kelisim bazasy jasaldy. Endi sonyń arqasynda Halyqqa qyzmet kórsetý ortalyqtary men bankterdiń operatorlaryna klıenttiń jeke derekteri sms-kod arqyly rastaý jiberilgennen keıin ǵana qoljetimdi bolady.
Zańǵa ózgerister engizilgennen keıin mıkroqarjy uıymdary bıometrıany qoldanýǵa májbúrlenbek.