Brıfıńke Táýelsiz Memleketter Dostastyǵy atynan baqylaýshylar retinde Mıhaıl Lebedınskıı jáne Almatydaǵy Reseı Federasıasynyń Bas konsýldyǵynyń konsýl-keńesshisi Artem Oganov qatysty. Baqylaýshylar Almaty qalasyndaǵy jaǵdaı týraly baıandady.
Halyqaralyq baqylaýshylar elimizdegi referendýmda barlyq quqyqtyq-normatıvtik zańdar sáıkes ótip jatqandyǵyn aıtty. Sonymen qatar jalpy esep boıynsha 49 paıyzǵa jýyq saılaýshy daýys bergendigin naqtylap ótti.
– Qazaqstandaǵy jalpy halyqtyq referendým barsha halyqaralyq standarttarǵa sáıkes ótýde. Qazirdiń ózinde 60 paıyzdan astam daýys berýishiler daýys bergen. Bul jaqsy kórsetkish dep baǵalar edik, – dedi .
Spıkerler onlaın jáne oflaın saılaýdyń aıyrmashylyǵy jóninde pikirlerimen bólisiti.
– Óte saýatty suraq qoıyldy dep bilemiz. Óıtkeni bul álemde bar tájirıbe. Dálirek aıtqanda Estonıa bul tájirıbeni ózderinen ótkizgen. Biraq olardyń halqynyń sany salystyrmaly túrde qaraǵanda azdaý. Al onlaın saılaýdy, telefon, smartfonnyń kómegimen aldaǵy ýaqytta júzege asyratynymyz anyq. Biraq qazirgi jas shamasy 50-60 jasty quraıtyn egde kisiler elektrondy daýys berýge tolyq múmkindigi jetpeýi múmkin. Kóbisi eldi-meken, aýyldyq jerde ornalassa, oǵan ınternet qoljetimdiligi kerek bolady. Sol sebepti osyndaı keleńsizdikter týyndaıdy. Degenmen keleshekte túbi bir elektorndy daýys berýge kóship qalýymyz ǵajab emes.
Jıyn sońynda halyqaralyq sarapshylar Qazaqstandaǵy Referendým halyqtyń belsendiligimen ári joǵary deńgeıde ótip jatqandyǵyn jetkizdi.