Referendým áleýmettiń áleýetin arttyryp, damyǵan elge jol bastaıtyn tyń jańashyldyq bolǵaly tur - akademık
Qazaqstan Respýblıkasynyń Konstıtýsıasyna ózgerister men tolyqtyrýlar engizý boıynsha referendým ótkizýdi qoldaý úshin Almaty qalalyq partıa shtaby ótkizetin is-sharalardy iske asyrý sheńberinde QR BǴM ǴK Fılosofıa, saıasattaný jáne dintaný ınstıtýty «KONSTITÝSIALYQ REFORMA JAŃA QAZAQSTANNYŃ SAIASI-QUQYQTYQ NEGİZİ RETİNDE» taqyrybynda konferensıa ótti, dep habarlaıdy Almaty-akshamy.kz
Konferensıaǵa qatysýshylar-otandyq ǵalymdar men sarapshylar Konstıtýsıalyq reformanyń ózekti máselelerin, jańa Qazaqstannyń saıası-quqyqtyq aspektilerin, aǵymdaǵy jylǵy 5 maýsymdaǵy aldaǵy jalpyulttyq referendýmnyń mindetteri men maqsattaryn talqylaýdy josparlap otyr. Instıtýttyń jetekshi ǵalym-saıasattanýshylary men shaqyrylǵan sarapshylar Prezıdenttiń jalpyulttyq referendým ótkizý bastamasyn qoldaýdaǵy Amanat partıasynyń málimdemesin nazarǵa alyp, oryndaý barysynda reformalar nátıjesinde Qazaqstannyń saıası dıskýrsy qalaı ózgeretini týraly óz pikirlerin bildirdi.
"Elimizde Memleket basshysynyń bastamasymen aýqymy jáne saıası-áleýmettik jaǵynan mańyzy zor asa aýqymdy ózgerister oryn alýda. Sonyń ishindegi eń negizgisi ol – referendým. Bul degenimiz bizdiń Ata-zańymyzdyń quqyqtyq zańdyq negizde bekýine septesedi. Sonymen qatar áleýmettiń áleýetin arttyryp, damyǵan elge jol bastaıtyn tyń jańashyldyq bolǵaly tur.
Ózderińiz biletindeı Qazaqstan demokratıaly, qaryshtap damyǵan, ár salada úlken jetistikterge jetken alpaýyt memleketke aınalýdy bárimiz kózdeımiz. Sol baǵytta atqarylyp jatqan sharýalarda az emes. Ótkizilip jatqan talqylaýlar men keńester sonyń aıqyn dáleli.
Memleketimizdiń irgesi bekem, alar asýy alda bolsyn demekpiz", - deıdi Fılosofıa, saıasattaný jáne dintaný ınstıtýtynyń Bas dırektory, akademık Serik Seıdýmanov.