Elimizdiń órkendeýin oılaýymyz kerek.
Qazaqstannyń belgili saıasattanýshysy ári qoǵam qaıratkeri Rasýl Jumaly alda ótetin referendýmge qazaqstandyqtar belsendi túrde atsalysýy kerek degendi aıtady, dep habarlaıdy Almaty-akshamy.kz
«Jahandaǵy saıası ahýal qubylyp tur. Sońǵy 3 jyldaǵy pandemıa, memleketter arasyndaǵy teke tirester bizge de óz áserin tıgizdi. Óıtkeni, álemnen tysqary qala almaımyz. Qańtar oqıǵasynyń jaıyn jaqsy bilesiz. Jastar saıasaty da kúrdeli dúnıe. Biraq Memleket basshysy Qasym-Jomart Kemeluly osyndaı qıyn sátterdi sezinip otyr. Bul jaǵynan kelgende Prezıdentinimizdiń myqty saıasatkerligi baıqalady. Endi jalpy halyqtyq referendým ótetin bolady. Osyǵan kóshe demokratıasymen emes, órkenıetti túrde júzege asyrý qajet. Sonymen qatar osy turǵydan alǵanda ǵylymı-saıası ınstıtýttardyń mańyzy zor.
Qazaq qoǵamy jańarý úshin barlyǵyn zań júzinde iske asyrǵan abzal. Bilemiz, referendým ótkizýdi qoldaýshylarda az emes, synaýshylar da bar. Degenmen, halyqqa túsindirip, elimizdiń órkendeýin oılaýymyz kerek. Osyndaı ıgi isterdi eshqandaı aıqaı-shýsyz iske asyrýǵa bolady. Bastysy buryn jibergen olqylyqtardy, qaıtalamaýymyz qajet. Sondyqtan demokratıalyq qoǵam quramyz desek, barshamyz bir kisideı atsalysqanymyz abzal», - dedi saıasattanýshy.