Birlesip oryndaýǵa kúsh salý mańyzdy.
Qazaqstandyq bıznesmender otandyq kásipkerlerdi Memleket basshysy tapsyrmalaryn oryndaý úshin birigýge shaqyrdy. Bul týraly «Atameken» QR UKP basqarma tóraǵasynyń mindetin atqarýshy Raıymbek Batalov baspasóz konferensıasynda aıtty, dep habarlaıdy Almaty-akshamy.kz Baq.kz silteme jasap.
«Qazirgi ekonomıkalyq jaǵdaıda eldegi barlyq ınstıtýtqa birigip, Memleket basshysy tapsyrǵan mindetterdi birlesip oryndaýǵa kúsh salý mańyzdy. Biz búkil bıznesti biriktirgen Ulttyq kásipkerler palatasy retinde kásipkerler men naryq qatysýshylaryna Úkimet jáne ákimdiktermen barlyq aýdandyq jáne óńirlik palatalar men alańdar arqyly osy proseske belsendi qatysýǵa shaqyramyz», - dedi ol.
Sondaı-aq ol agroóndiristik keshendegi jumystar týraly aıtty.
«Biz AÓK jáne saýda komıtetterimen talqylaýdy bastadyq. Onda naryqtyń barlyq negizgi qatysýshysy bar. Mysaly, qant boıynsha bizde salalyq saraptama jáne eldegi qant óndirisin damytýdyń usynystar kesheni bar. Bul ázirlemelerdi salalyq baǵdarlamasyna engizý úshin buryn ASHM-ǵa jibergenbiz», - dedi ol.