Maska kıýdi jáne áleýmettik ara qashyqtyq saqtaýdy umytpaǵan jón.
Belgili qazaqstandyq profesor, dáriger, medısına ǵylymdarynyń doktory Rafaıl Rozensonnyń pikirinshe, aldaǵy 5-6 aptada biz áli de koronavırýs boıynsha epıdemıologıalyq órleýdiń shyńynda bolamyz, sondyqtan vaksınasıa taqyryby qazir burynǵydan da ózekti, dep habarlaıdy Almaty-akshamy.kz.
«Vaksına – bul koronavırýsty juqtyrmaýyńyzǵa kepil bolmaıdy, biraq aýrýdy emdeý vaksınasıalanbaǵan naýqastarǵa qaraǵanda áldeqaıda tıimdi bolatynyna kepildik beredi», - deıdi dáriger.
Qazir ýaqyttaǵy aýrý aǵymynyń ereksheligi sol vaksınasıalanbaǵan pasıentter aýrýhanaǵa ókpeniń 15-20% zaqymdanýymen túsip jatyr eken, biraq birneshe kúnnen keıin bul kórsetkishter 50-70% jetedi, al koronavırýsty emdeýde qoldanylatyn gormondar men qan suıyltatyn preparattar mundaı naýqastarǵa vaksınasıalanǵan pasıentterge qaraǵanda áldeqaıda álsiz áser etetindigin túsindirdi profesor.
Qazaqstan óńirleriniń kópshiligi koronavırýstyń taralý qarqyny boıynsha áli de «qyzyl» aımaqta ekenin eskere otyryp, profesor bizdiń elimizdiń barlyq turǵyndaryn KVI-ge qarsy vaksına alýǵa ǵana emes, dárigerler usynǵan qaýipsizdik sharalaryn saqtaýǵa shaqyrdy.
«Eger siz úıden adamdar kóp jınalatyn jerlerge shyqsańyz, maska kıýdi umytpańyz jáne áleýmettik qashyqtyqty saqtaýǵa tyrysyńyz», - degen keńes berdi dáriger.