Iordandyqtar «Balýan Sholaq» jáne «Jaýjúrek myń bala» fılmderin tamashalady.
Iordanıa Hashımıt Koróldiginiń astanasy Ammanda Qazaqstan Táýelsizdiginiń 30 jyldyǵyn merekeleý aıasynda Qazaqstannyń kıno kúnderi ótti, dep habarlaıdy Almaty-akshamy.kz QazAqparat-qa silteme jasap.
Sharany Sh.Aımanov atyndaǵy «Qazaqfılm» AQ jáne Iordanıanyń kınematografıa boıynsha Koróldik komısıasymen birlesip Qazaqstan Respýblıkasynyń Iordanıadaǵy Elshiligi uıymdastyrdy.
Kınokórsetilim Amman qalasynyń eń kóne aýdandarynyń birinde ornalasqan «Kıno úıinde» ótti. Qonaqtarmen amandasqan Qazaqstan Elshisi Aıdarbek Týmatov qazaqstandyq kınematografıaǵa tanytqan qyzyǵýshylyǵy úshin olarǵa alǵysyn bildirdi.
«Shara ıordandyqtardyń Qazaqstan halqymen, onyń tarıhy jáne mádenıetimen jaqynyraq tanysýyna jaǵdaı jasap, qazaqstandyq-ıordan mádenı-gýmanıtarlyq yntymaqtastyǵynyń odan ary nyǵaıýyna septigin tıgizedi», - dep atap ótti Elshi.
Shara rejıser Nurgeldi Sadyqulovtyń «Balýan Sholaq» kórkem fılmimen bastaldy. Kınokartına kórermenniń joǵary baǵasyn aldy. Kelesi kórsetilgen fılm – rejıser Aqan Sataevtyń «Jaýjúrek myń bala» kınokartınasy. Fılmder túpnusqa úlgisinde, aǵylshyn tilindegi sýbtıtrlerimen kórsetilgen.
Sharaǵa dıplomatıalyq korpýs, BAQ ókilderi, sondaı-aq Iordanıa astanasynyń qoǵam qaıratkerleri men turǵyndary qatysty.