Búginde jastar jat aǵymdardyń basty nysanasyna aınalyp otyr. Olar jastardy qalaı arbaıdy?
Áleýmettik jeliler men messendjerlerde arbaýshylar ózin dos ne rýhanı jetekshi retinde kórsetip, qoldaý kórsetkensip jaqyn bolýǵa tyrysady. Ásirese 16 men 29 jas aralyǵyndaǵy, ómirinde qıyndyq kórip júrgen jastar buǵan tez aldanyp qalady.
Psıhologtar men dintanýshylardyń aıtýynsha,kúızeliske túsken jastar jalǵan dinı toptardyń jetekshisine senip, óz ómirin soǵan arnap ketýi múmkin. Saldarynan shynaıy ómirden, otbasynan alystaıdy.
Oǵan aldanyp qalmaý úshin ne kómektesedi?
- Synı oılaý qabileti
- «Joq» dep aıta bilý
- Emosıany basqara alý
- Jaqsy ortany tańdaı bilý
- Aqıqatty jalǵannan ajyratý
Este saqtańyz, keıbir adamdar dindar bolyp kóringenimen, artynda qaýipti oı-pikir turýy múmkin.