Qazaqstandyq azamat Íshkí íster mınıstrlígíne ınternet pen qoǵamda dínı radıkalızm máselesíne nazar audarudy sūrap, petıtsıya joldady, - dep habarlaıdy Aqshamnews.kz tílshísí.
Onyń aıtuynsha, būl jerde dínníń ózíne emes, memleketímízdíń zaıyrly qūrylymyna, áıelderdíń qūqyǵyna, jastar men qoǵam qauípsízdígíne qauíp tóndíretín radıkal kózqaras jaıly sóz bolyp otyr.
Petıtsıya avtory qazaqstandyqtardy osy máselege qatysty naqty mysaldar jíberuge shaqyrady: síltemeler, skrınshottar, jazbalar, yaǵnı problemanyń bar ekenín dáleldeıtín kez kelgen materıal qajet. Qazír ol epetition.kz platformasynda petıtsıyany jarıyalau úshín 50 qol jınauǵa tıís.
"Keıbíreuler mení ıslamǵa qarsy dep oılaıdy. Būl olaı emes. Men radıkalızmge, bíreuge óz kózqarasyn kúshtep tańuǵa, qalaı ómír súru keregín, ne íshu, ne kóru keregín aıtuǵa qarsymyn. Bíz zaıyrly elde ómír súríp jatyrmyz, ár adamnyń tańdau erkíndígí men ar-ojdan bostandyǵyna qūqyǵy bar", – deıdí ol.
Petıtsıya avtoryna píkír jazǵandar oǵan qoldau bíldíríp jatyr.
Būl petıtsıya qoǵamda úlken talqylau tudyrǵan oqıǵalar ayasynda paıda boldy. Būǵan deıín bír boıjetken meshítte er adamnyń oǵan uaqytsha neke ūsynǵanyn aıtyp, onyń jynystyq qatynasqa túsu nıetí bolǵanyn jarıyalaǵan edí. Būl jaǵdaıdy kópshílík talqylap, keıín qyzdyń ózín aıyptaǵandar tabylyp, onyń jalǵyz júruín kúná sanap, ásíre dínshílder tarapynan synǵa ūshyraǵan.