Balalardy qorǵaý kúnine arnalǵan merekelik is-shara Almaty qalasynyń Ortalyq mádenıet jáne demalys saıabaǵynda ótti.
Konsertke Qazaqstannyń estrada juldyzdary, sondaı-aq balalar vokaldy jáne bı komandalary qatysty, dep habarlaıdy Almaty-akshamy.kz.
Konsert "Sarmat" ansambliniń horeografıalyq nómiriniń súıemeldeýimen "Boztorǵaı" horynyń oryndaýynda “Bolashaq” balalar ánuranymen bastaldy. Sodan keıin tanymal artıser men jas talanttardyń dýet bolyp óner kórsetti.
"Slaván bazar" baıqaýynyń jeńimpazy, jas vokalıst Sherhan Arystan kishkentaı Qarlyǵashpen birge "Týǵan jer" ánin qosylyp oryndady.
"Búgin osynda bolǵanyma jáne barlyq Almaty turǵyndary úshin osy keremet jazǵy demalys - Balalardy qorǵaýdyń halyqaralyq kúninde óner kórsetkenime qýanyshtymyn", - dedi ánshi.
Ataqty kúıshi, Qazaqstannyń halyq artısi Aıgúl Úlkenbaeva jas Yqylaspen birge Qurmanǵazynyń áıgili "Adaı" shertti. Ol talantty jastarmen árqashan óner kórsetýge daıyn ekenin aıtty.
“Jas urpaqtyń qazaq halyq ónerine degen qyzyǵýshylyǵyna rızamyn. Bul bizdiń mýzykanyń bolashaǵy bar ekenin kórsetedi", - dedi Aıgúl Úlkenbaeva.
Skrıpkashy Alýa Maqanovanyń "Mármár" jetigen ansamblimen birigip oryndaǵy "Qarlyǵash" klasıkalyq týyndysy áserli shyqty. Al kishkentaıynan tanylǵan Erjan Maksım "Armanyńnan qalma" ánimen kópshiliktiń qoshemetine bólendi.
Baqytty balalyq shaq týraly ánimen Aıgúl Úlkenbaeva, Jiger Aýypbaev, Almas Kishkenbaev, Elızat Berikova, ART Slassic toby, Shaba Orazhan jáne Sáken Maıǵazıev jastarǵa qoldaý kórsetti. Áıgili "Qazaq qyzdary" ánin KeshYOU toby jas trıo Alsý Ulyhanovamen, Aırıs Qulbaeva jáne Sofıa Balǵazınamen birigip aıtty.
"Barlyǵyn halyqaralyq balalardy qorǵaý kúnimen quttyqtaımyn! Búgin men osy sahnada bolyp, birge óner kórsetip, tájirıbemdi bóliskenime qýanyshtymyn. Shyǵarmashylyq jolda bul óte mańyzdy", - dedi Almas Kishkenbaev.
"Biz baqytty balamyz" ánin konsertke qatysýshylar birigip oryndap, artynsha baǵdarlama balalardyń shyǵarmashylyq ujymynyń ónerimen jalǵasty.