Oǵan hımıalyq kastrasıalaý sharasy da qoldanady
QR Áskerı soty týǵan qyzyn zorlaǵany úshin kináli dep tanylǵan burynǵy áskerı qyzmetkerge qatysty qylmystyq is boıynsha apelásıalyq shaǵymdy qarady. Úkim ózgerissiz qaldy. Sottalýshy qalǵan ómirin temir tordyń arǵy jaǵynda ómir boıy óteıtin boldy. Ári hımıalyq kastrasıalaý sharasy da qoldanady. Bul týraly jábirlenýshi taraptyń advokaty Ajar Ábdil málimdedi, dep habarlaıdy Almaty-akshamy.kz.
Tergeý materıaldaryna sáıkes, ákesi áıelimen ajyrasqan, biraq qyzyn únemi jaldamaly páterge shaqyryp, birneshe ret zorlaǵan.
Qyz anasyna bolǵan jaıtty moıyndaýdan qoryqqan, biraq shyndyq ashylǵan kezde, áıel dereý polısıaǵa aryz berdi.
Bas áskerı prokýratýranyń málimetinshe, sottalýshynyń kinási jábirlenýshi men kýágerlerdiń aıǵaqtarymen, sot saraptamalarynyń nátıjelerimen jáne qylmystyq istiń basqa materıaldarymen tolyq dáleldengen.
Memlekettik aıyptaýshy sot jaryssózderinde jasalǵan áreketterdiń aýyrlyǵyn eskere otyryp sottalýshyǵa qatysty ómir boıyna bas bostandyǵynan aıyrýdy qoldaný qajettiligi týraly bultartpas dálelder keltirgen.