Aýrýmen kúresý úshin júıeli sharalar qabyldanýda. Bul týraly Óńirlik komýnıkasıalar qyzmetiniń onlaın brıfıńi barysynda Almaty qalasy sanıtarlyq-epıdemıologıalyq baqylaý Departamentiniń ókilderi habarlady.
«Almaty qalasynda 2023 jyldyń naýryz aıynan bastap qyzylshanyń 5563 zerthanalyq rastalǵan jaǵdaıy tirkeldi, onyń ishinde 14 jasqa deıingi balalar arasynda 4011 jaǵdaı (72,1%), 15 jastan 18 jasqa deıingi jasóspirimder arasynda – 217 (3,9%) jáne eresekter arasynda – 1335 (23,9%)», - dep habarlady Almaty qalasy sanıtarlyq-epıdemıologıalyq baqylaý departamentiniń basshysy Qasymhan Alpysbaıuly.
Balalar arasynda aýrýshańdyq negizinen vaksınasıadan bas tartý sebebinen, sondaı-aq vaksınasıadan medısınalyq aıyrý jáne egý jasyna jetpeý sebebinen vaksınasıalanbaǵandar arasynda tirkeledi.
Sanıtarlyq-epıdemıologıalyq qyzmet mamandary profılaktıkalyq jáne epıdemıaǵa qarsy is-sharalar júrgizedi.
Qalada qyzylshaǵa, parotıt qyzamyǵyna qarsy halyqty qosymsha jappaı ımmýndaý jalǵasýda.
2023 jylǵy 6 qarasha men 2024 jylǵy 14 aqpan aralyǵynda qalada qyzylshaǵa qarsy QJI sheńberinde barlyǵy 156 794 adam qamtyldy, onyń ishinde 6 aıdan bastap 10 aı 29 kúnge deıingi 12 201 bala, 2 jastan 4 jasqa deıingi balalar – 77 807, medısına qyzmetkerleri – 8676 jáne basqa jastaǵy buryn qyzylshaǵa qarsy josparly ekpe almaǵan tolyqtyra ımmýndaý boıynsha 58 110 bala.
Balalardy josparly vaksınasıalaý turǵylyqty jeri boıynsha qalanyń emhanalarynyń barlyq egý kabınetterinde tegin júrgiziledi. Vaksınasıa júrgizý úshin DDU sertıfıkattaǵan jáne Qazaqstan Respýblıkasynda tirkelgen qyzylshaǵa, qyzamyqqa, epıdemıalyq parotıtke qarsy aralas vaksına qoldanylady.
Qyzylsha – bul aýa-tamshyly ınfeksıalar tobyna jatatyn quramynda RNQ vırýsy bar jedel respıratorlyq joǵary juqpaly vırýstyq aýrý.
Aýrý naýqas adamnan saý adamǵa aýa arqyly, tynys alý joldarynan tamshylarmen nemese juqtyrǵan adamdardyń murnynan nemese tamaǵynan sekresıalarmen tikeleı baılanysta bolǵanda juǵady.
«Qyzylshany juqtyrýdan, sondaı - aq olardyń asqynýlarynyń aldyn alatyn jalǵyz tıimdi qural-bul tek vaksınasıa», - dep eske saldy SEBD-de.
Aýrý belgileri paıda bolǵan jaǵdaıda epıdemıologtar kelesideı keńester beredi:
- ózin-ózi emdeýmen aınalyspaý, dárigerdi úıge shaqyryp jáne dárigerdiń nusqaýy boıynsha em alý;
- úıde bolý, jumys jáne oqý oryndaryna, sondaı-aq qoǵamdyq jáne mádenı-buqaralyq is-sharalar oryndaryna barmaý.
Ásirese, ambýlatorıalyq emdelip jatqan naýqastar úıde oqshaýlaýdy qatań saqtaýy kerek;
- aýyrǵan balalardy uıymdasqan ujymdarǵa, mektepterge, mádenı-buqaralyq is-sharalar ótetin oryndarǵa jibermeý.